NLW MS. Peniarth 36A – page 2br
Llyfr Blegywryd
2br
mod hỽnnỽ y telir sarhaet brenhin a uo
eistedua arbenhic idaỽ. megys dinefỽr
dan vrenhin deheubarth. neu aberffraỽ
dan vrenhin gỽyned. Ony byd eistedua
arbenhic idaỽ. ny cheiff onyt gỽarthec.
Breint arglỽyd dinefỽr yỽ kaffel dros
y sarhaet gỽarthec gỽynyon clustgochy+
on. kymeint ac anhont o argoel hyt yn
llys dinefỽr ol yn ol a tharỽ vn lliỽ ac
ỽynt gyt a phob vgeint o·honunt. Ny
thelir eur namyn y vrenhin dinefỽr.
neu aberffraỽ. O tri mod y serheir y
vrenhines. pan torher y naỽd. neu pan
traỽher trỽy lit. neu pan tynher peth
gan treis oe llaỽ. Trayan·werth sarha+
et brenhin. a telir yr vrenhines dros
y sarhaet heb eur a heb aryant. Bren+
hin a dyly vn gỽr ar pymthec ar| hugeint
ar veirch yn| y gedymdeithas. nyt am+
gen. y pedwar sỽydaỽc ar| hugeint. ae
deudec gỽestei; ae teulu ae vchelwyr.
ae vaccỽyeit. ae gerdoryon ae reudusson.
| « p 2av | p 2bv » |