NLW MS. Peniarth 38 – page 52r
Llyfr Blegywryd
52r
rnhont y|dadyl honno a|e|theruynu yn gỽbyl Nyt
oes amgen dial onyt kymhell trỽy gyfreith ~
am ỽassanaeth diffic. neu dylyet neu rent bren ̷+
hin ony ỽedir yn|y erbyn. eithyr gỽassanaeth a
diffyccyo ac ny aller y ennill. Ny|dylyir rydhau ga+
uel a|gymerer tros vn o|r rei diffyc hynny. hyt
pan ỽneler cỽbyl drosti. Kyt bo lliaỽs o vraỽt+
ỽyr o vreint tir yn vn vraỽt. vn eissoes a varn.
nyt amgen y|neb a|e datgano y varn yn|y llys y+
rỽg y|dadleuỽyr. trỽy gyuundeb gỽyr y|llys. a rei
ereill a vydant gynghorỽyr idaỽ ynteu yn|y vra ̷ ̷+
ỽt. ac o dygỽyd ef y|gỽerth y tauaỽt o achaỽs y
vraỽt gyffredin a datganỽys ef drostaỽ ef a|th+
rostunt ỽynteu yn|y llys. y braỽtỽr ac ỽynteu
oll a|gyttalant ỽerth y tafaỽt ef yn gyffredin.
kymeint pop vn a|e gilyd. kanys o gyffredin ~ ~
gyghor a|chytundeb y|rodassant y vraỽt. ac|y+
velly kyffredin tall* a dylyant ỽynteu dros y vra+
ỽt. ac y·velly os braỽtỽr o vreint tir a|gyll camlỽrỽ
o achaỽs braỽt a roder velly; pop vn o|e gyffelyb
yn|yr vn ryỽ vraỽt a|gyll y|gymeint. Ny dygỽyd
| « p 51v | p 52v » |