NLW MS. Peniarth 46 – page 229
Brut y Brenhinoedd
229
tynnu gantaỽ hyt ym|perued y uydin
ygyt a|e uarchogyon e|hun. a chann or+
uchel lef y dyỽat ual hynn. a|ỽyrda hep
ef duỽ a|lenỽis uyn damunet i. kyỽer+
chegỽch y tyỽyllỽyr. canys yn|ych llaỽ
y|mae y|uudugolyaeth. a|r goruot pann
or·uuỽyt ar hengist. ac o|hynny allann
ny orphwyssassant rỽg llad a daly yny
gaỽssant y|uudugolyaeth. ac ar|hynny
ffo a|ỽnaeth y saesson yn dybryt paỽb
mal y dyckei y|tyghetuen. rei y|r myny+
ded a|r coedyd. Ereill y|r llogeu. ac yna
yd aeth|octa mab hengist a|rann uỽyha
o|r niuer ygyt ac ef. hyt yg caere ̷+
uraỽc. ac ossa y geuenderỽ a|rann ar ̷+
all o|r llu a ffoes hyt yg caer alclut.
a chadarnhau y|dinassoed hynny arna+
dunt a|ỽnaethant. o|uarchogyon ar ̷+
uaỽc. ac aruaethu eu kynnal. ~
A Gỽedy cael o emreis y|uudugol ̷+
yaeth honno yd aeth hyt yg
| « p 228 | p 230 » |