NLW MS. Peniarth 46 – page 264
Brut y Brenhinoedd
264
a|uuant ueirỽ. llenỽi a|ỽnaethant y|ffynnya+
ỽn o|r dayar. a gỽedy honni marỽolyaeth y
brenhin. ymgynnullaỽ a|ỽnaethant yr ar+
chescop. a|r escyp. a|r abadeu. a|r yscolheigonn
da o bop le dros y|teyrnnas. a chymryt y|corff
a|e dỽyn hyt y|mynachloc ambri. ac yno y*
y|myỽn kor y|keỽri ger llaỽ emreis ỽledic y
uraỽt y cladỽyt trỽy urenhinaỽl arỽylant.
llyma dechreu ystoria arthur. ~
A Gỽedy marỽ uthur|penndragon
yd|ymgynnullassant holl ỽyrda
ynys prydein. Jeirll. a|barỽneit
a|marchogyon urdolyon. ac es+
gyb. ac abbadeu. ac y|doethant hyt yg|ka+
er uudei. ac o|gyt·synedigaeth paỽb kysse+
gru arthur ap uthur a|archyssant y|dy+
uric archescob caerllion ar|ỽysc yn uren+
hin arnadunt. canys eu hagen a|e kymhe+
llei canys pan gigleu y saesson uarỽolyaeth
uthur bendragon yd anuonassant hỽynte
hyt yn germania y|geissaỽ porth. ac y deuth
attunt lyges uaỽr a|cholgrim yn tyỽyssa ̷+
| « p 263 | p 265 » |