NLW MS. Peniarth 46 – page 279
Brut y Brenhinoedd
279
Gỽennhỽyuar oed y henỽ. ac yn llys cadỽr
iarll kernyỽ y|magyssit. a|phryt y ỽreic
honno a|orchyuygei holl ỽraged ynys. prydein.
A C erbyn dyuot yr haf rac ỽynneb
paratoi llyges a|oruc arthur y|uy ̷ ̷+
net y|oresgyn iỽerdon. a|gỽedy y|dis+
gynnu ar|tir iỽerdon y|doeth gillamỽri ure+
hin a llu maỽr yn|y erbyn. a|gỽedy dechreu
ymlad. Sef a|ỽnaeth y|genedyl noeth truan
honno hep un gohir kymryt eu ffo. ac y
delit gillamỽri. y ac y|kymhellỽyt y|estỽg
y|arthur. ac o|agreiff hỽnnỽ y|doeth paỽb o|r
gỽydyl oc eu bod y ỽrhaỽ idaỽ. a|gỽedy dar+
uot idaỽ goresgynn iỽerdon y|kychỽynaỽd
parth ac islont. a gỽedy ymlad a|e phobyl y
goresgynnỽys o gỽbyl. a gỽedy clybot hyn ̷+
ny yn yr ynyssoed na allei neb ỽrthỽynebu
idaỽ. Sef a|ỽnaethant. Dodlan urenhin y
godlont. a gỽinỽas urenhin orc. dyuot oc
eu bod y ỽrhau y|arthur. ac y|rodi teyrnn+
get idaỽ y|gantunt bop plỽydyn. a|gỽedy
llithraỽ y|gayaf hỽnnỽ. ymhoelu a|oruc ar ̷+
| « p 278 | p 280 » |