NLW MS. Peniarth 46 – page 44
Brut y Brenhinoedd
44
y|vab yn vrenhin. Gỽr maỽr kadarnn ry+
ued y deỽrder oed hỽnnỽ. a deg|mlyned ar
hugeint y bu yn gỽledychu. y gỽr kynn ̷+
taf a|aeth ffreinc a|llyges gantaỽ oed.
a gỽedy llaỽer o ymladeu. a goruot ar|ba ̷ ̷+
ỽb. dyuot adref gann uudugolyaeth a
oruc. ac amylder eur ac aryant. a dao ̷+
ed ereill gantaỽ. ac yd adeilỽys dinas
parth traỽ y|humyr. ac y gelỽis o|e enỽ
e|hun caer efuraỽc. ac yn|yr amsser hỽn+
nỽ yd oed dauid proffỽyt yn|vrenhin yg
caerussalem. ac gat a nathan ac asph.
yn proffỽydi yn|yr ysrael. ac yd adeilỽys
caer arclut gyuerbyn ac yscottlont. a|ch*
castel y|morynyon. ar vynyd dolurus. ̷
a gỽedy hynny y|ganet idaỽ vgein meib
o|vgein ỽraged oed idaỽ. a deg merchet
ar|hugeint. a deugein mlyned y|bu yn
gỽledychu y teyrnnas. Sef oed enỽeu y
meibon. Brutus taryan las oed y|mab hy+
naf idaỽ. Maredud. Seisyll. Rys. Morud.
| « p 43 | p 45 » |