NLW MS. Peniarth 6 part iv – page 35
Geraint
35
a|thaỽ ỽrthyf. Ac ymchoelut a oruc ar y march. Ac ar y|gos ̷+
sot kyntaf y uỽrỽ dan traet y varch y|r llaỽr. A thra pa ̷+
raaỽd vn o|r petwar vgeint marchaỽc; ar y gossot kyn ̷+
taf y byryaỽd pop vn. Ac o oreu y|oreu y doethant attaỽ.
eithyr yr iarll. Ac yn diwethaf oll y doeth yr iarll attaỽ.
A thorri paladyr yndaỽ a|thorri yr eil. Sef a oruc Gereint ym ̷+
choelut arnaỽ. A gossot a gỽayỽ yn deỽred y taryan hyny
hyllt. ac yny tyrr yr holl arueu yn|y gyfeir honno. Ac hy+
ny vyd ynteu dros pedrein y varch y|r llaỽr ac yn|y perigyl
am y eneit. A nessau a oruc Gereint attaỽ a|chan tỽrỽf y march
datlewygu a oruc y iarll. Arglỽyd heb ef ỽrth ereint. dy naỽd.
A naỽd a rodes Gereint idaỽ. Ac yrỽg kaletet y|dayar lle y byr+
yỽyt y|gỽyr a druttet y|gossodeu a|gaỽssant nyt aeth yr
vn o·nadunt heb gỽymp agheuaỽlchwerỽ. clỽyfedic+
tost briwedicfyryf. y|ỽrth ereint. A cherdet a oruc Gereint racdaỽ
ac y|r briff·ford yd oed erni. A|r vorỽyn a|getwis y|ragor. Ac
yn agos ydunt ỽynt a|welynt dyffryn teccaf a welsei
neb eiroet. A phrif auon ar|hyt y dyffryn. A phont a|wel ̷+
ynt ar yr auon. A fford yn dyuot y|r pont. Ac uch laỽ y bont
o|r tu traỽ y|r auon y|gỽelynt kastelltref teccaf a welsei neb
eiroet. Ac val y kyrchei ef y bont ef a welei varchaỽc yn dy ̷+
uot ar traỽs tu ac attaỽ trỽy vyrgoet bychan teỽ ar varch
maỽr uchel ymdeith wastat hywedualch. A varchaỽc heb+
y Gereint. o py le pan deuy ti. pan deuaf heb ynteu o|r dyffryn
issot. A ỽr heb·y Gereint. pieu y dyffryn tec hỽnnỽ a|r gastell ̷+
tref tec racco. dywedaf heb ynteu. Gỽiffret pedyt y|ge ̷+
ilỽ y ffreinc a|r saesson ef. y brenhin bychan y|geilỽ y
kymry ef. Ac y|r pont racco yd af|i heb·y Gereint. Ac y|r prifford
| « p 34 | p 36 » |