NLW MS. Peniarth 9 – page 31v
Ystoria Carolo Magno: Chronicl Turpin
31v
uel ac vn machaỽc* gyt ac ef a doeth hyt y gaer.
Ac yn|y lle y doeth rei o|r gaer yn eu herbyn. a go+
uyn beth a uynnynt. Kennadeu charlymaen
vrenhin ym heb hỽynt wedy an anuon ar ai+
goland aỽch brenhin ychwitheu. Ac yna y
ducpỽyt hỽy yr gaer hyt rac bron aigolant.
Charlmaen heb hỽynt ac an hanuones attat
ti canys ef a doeth mal yd ercheisti ar y trugein+
uet marchaỽc Ac a vyn gỽrhau it a bot yn
varchaỽc it o rodi idaỽ a edeweist. Ac ỽrth
hyny dyret titheu attaỽ ef ar dy trugeinuet
o|r rei teu ditheu. yn dagnouedus y gyfrỽch ac
ef. Ac y guisgỽys aigoland ymdanaỽ y arueu
ac erchi udunt hỽynteu ymhoylut ar charly+
maen y erchi idaỽ y arhos. Ny thybygassei ai+
goland etwa pan yỽ charlys oed ef. Ac ynteu
wedy ry adnabot aigolant ohonaỽ ynteu a
discỽyl yn graff a oruc ar y gaer pa fford ha+
ỽssaf ymlad a|hi. A gỽelet y brenhined a oed yn+
di. Ac ymhoylut dracheuyn a oruc ar y driu+
gein|marchaỽc ac y gyt a rei hyny kerdet a o+
rugant hyt ar eu dỽy vil o varchogyon. Aigo+
land ynteu a seith mil gantaỽ yn eu hymlit
hỽynteu y vynnu llad charlys. Ac hỽynteu
yn rubudedic a|ffoassant. Odyna yd ymhoyl+
es charlys y freinc. A gỽedy kynullaỽ llu
diruaỽr dyuot a oruc hyt yggaer agenni.
a|y gogylchynu ac eisted yn|y chylch y chwe
mis. Ar seithuet mis wedy dyrchauel peiry+
| « p 31r | p 32r » |