Cambridge Trinity College MS. O.7.1 – page 16r
Llyfr Blegywryd
16r
a meithrin am ledrat gỽaessaf.
neu treis. neu aghyfarch heb treis
heb ledrat. Ac nyt cỽbyl ỽrtheb.
Ac nyt cỽbyl diheuraỽ. Ac nyt cỽ ̷+
byl amdiffyn vn or teir kyntaf
yr neb ae caffo. namyn canhor ̷+
thỽy mal y bo haỽs y gredu trỽy
y taryan a gaho no hebdi. Ac ve ̷+
lly galỽ gỽarant. nyt cỽbyl ỽrtheb
nyt cỽbyl diogelrỽyd. namyn
keissaỽ neb vn a ỽrtheppo drostaỽ
ac a|wnel cỽbyl drostaỽ. Ac ỽrth
hynny pỽy bynhac a gaffo gỽar ̷+
ant. safent ell deu y gyt ỽrth gyf ̷+
reith yn|y llys hyny teruynho y
dadyl oll trỽy varn y·rydunt ar
haỽlỽr. cany ellir gỽybot o vn
fford kyn barn teruynedic ae
vn o·honunt a uo kylus ae ell
deu ae na bo kylus vn. Ac na
wys heuy* a vynho y gỽarant
wneuthur cỽbyl drostaỽ e hun
a thros y da kynhenhus. A thros
yr amdiffynnỽr ae nys mynho.
| « p 15v | p 16v » |