Cambridge Trinity College MS. O.7.1 – page 45r
Llyfr Blegywryd
45r
Gỽydeu a gaffer yn llygru yt trỽy
yscubaỽr. neu trỽy ytlan; gỽasker
gỽialen ar eu mynygleu. a gatter
yno hyny uỽynt ueirỽ. Y neb a gaffo
iar yn|y ard lin. neu yn|y yscubaỽr;
dalyet y iar hyny dillygho y pherchen
hi o ỽy. Ac or deily y keilaỽc. torret
ewin idaỽ a gollyghet ef yn ryd. neu
gymeret ỽy o pob iar oc a uo yn|y ty
Y neb a dalho cath yn llygotta yn|y
ard lin. talet y perchenhaỽc y llỽgyr
Y neb a gaffo lloi yn|y yt; dalyet ỽynt
or pryt y gilid heb laeth eu mamheu
ac yna gollyghet ỽynt yn ryd. Or
llygrir yt y neb dyn yn emyl tref+
gord. Ac na chaffo y pherchenhaỽc
daly vn llỽdyn arnaỽ. kymeret ef
y creir a doet yr tref. Ac or tygant lỽ
diarnabot. talent y rif llỽdyn. Ar
gyfreith honno a elwir. teilitor gỽedy
halaỽc lỽ. Or deily dyn yscrybyl
aghynefin ar y yt. neu ar y weir. Ac
ymlad or yscrybyl yn|y gỽarchae. A
llad o lỽdyn y llall perchenhaỽc yr
| « p 44v | p 45v » |