Cambridge Trinity College MS. O.7.1 – page 8r
Llyfr Blegywryd
8r
yỽ keissaỽ dylỽyf. Seithuet yỽ why ̷+
thu y tan hyny enynho. ỽythuet yỽ
rodi y tan yr neb a losco ac ef. Naỽ ̷+
uet yỽ; edrych ar y llosc gan y odef.
Pỽy bynhac a watto vn or affeitheu
hyn; rodet lỽ degwyr a deu vgeint.
Y neb a latho tan neu ae whytho hy ̷+
ny enynho. neu a rotho tan yr neb a
losco ac ef. hanher y collet a wnel y
tan a tal. Ar hanher arall a diskyn ar
y neb a dotto tan y myỽn yr hyn a los+
ker. A hỽnnỽ yỽ cỽbyl weithret llosc.
Ac ony byd neb yn affeithaỽl gyt ac
ef. talet e|hunan oll a del or llosc hỽn+
nỽ o gollet. ony dichaỽn ymdiheuraỽ
trỽy reith gỽlat. lledrat.
Kyntaf o naỽ affeith lledrat yỽ;
amcanu ỽrth gedymdeith yr hyn
a geisser yn lledrat. Eil yỽ duunaỽ
am y lledrat. Trydyd yỽ rodi bỽyllỽrỽ
y ledratta. Petwyryd yỽ mynet yg|ke ̷+
dymdeithas y lleidyr pan el y ledratta.
Pymhet yỽ; mynet yr tref gyt ar lleidyr
| « p 7v | p 8v » |