BL Additional MS. 19,709 – page 58v
Brut y Brenhinoedd
58v
a gocha o|e mamaỽl waet. a thy corineus a lad y|we
broder. O nossolyon dagreuoed y gỽlypa yr ynys. ̷ ̷
Gvae hi flandrys o lef y kỽynuanusson kanys yndi
y|dineuir ymenyd y|ỻeỽ. yn* bo brivedic y hoỻ aelo+
deu. o|e thadaỽl ˄dylyet y gvrthledir. Odyna y gelwir paỽb
ar pop peth. y plant a lafuryant ehedec ar or·uchel+
der. kan·maỽl petheu newyd a drychefir. y|r a uo gvar
yd ar·gywedir o|enwired hynẏ wisgo ef y ryeni. vrth
hẏnnẏ yd yskyn mynyded y rvymedic o|daned baed
coet. a gavsgaỽt* y|penfestinaỽc. Sorri a|wna yr alban
ac ynẏ bo kyt·alwedic y hystlysseu y ỻafurya y|dineu
gvaet. Yg|genuoed hvnnỽ y rodir frỽyn yr hỽn a wneir
yn arffet lydav. Eryr tor y gygreir a eurha hvnnv
ac o|r trydyd nyth y|ỻawenhaa. yna y dyffry y kanaỽon
aruthrant. a gvedy yd adavont y coedyd o|vyvn y mu+
roed y dinassoed yd helir. aerua nyt bychan a wnant
o|rei a vrthvyneppo. a thauodeu y teirỽ a drychant. My+
nygleu y|rei a vrefant a|vrthrymant o gadỽyneu. a
henẏon amseroed a atnywydhant. Odyna o|r kyntaf
y|r petwyryd. o|r petwyryd y|r trydyd. o|r trydyd y|r
eil y troir y vavt yn yr olev. Y chỽechet a diwreida
muroed iwerdon. a|e ỻỽyn·eu a symut yn vaes. am·ry+
falyon ranneu a dvc yn vn. ac o pen y ỻeỽ y coronheir
Y wibiaỽ y darestỽg. y dechreu a|e diwed a ehetta ar or+
uchelder. kanys atnewydhaa eisteduaeu y rei gvyn+
uydedigyon drvy y|gỽladoed. ac a hela bugelyd yn
ỻeoed gvedus. Dvy gaer a|wisc o|dvy vanteỻ. a gỽe+
| « p 58r | p 59r » |