Bodorgan MS. – page 64
Llyfr Cyfnerth
64
tymhor. Ac yna trugeint a tal. Teithi ych
yỽ eredic yn rych ac ygỽellt a hynny yn di+
tonrỽyc. Ac ny byd teithiaỽl onyt velly. Ac
ony byd teithiaỽl; atuerer trayan y werth
y* werth* yr neb ae prynho. Y neb a wertho
eidon yn gyfreithaỽl. bit y danaỽ rac y dera
tri·dieu. A thri mis rac yr yscefeint. A blỽ+
ydyn rac y pelleneu. Y neb a wertho lloi neu
dinewyt. bit y danunt rac y clafyri o galan
gayaf hyt ỽyl padric. Ny byd telediỽ ych
namyn o|e allweith hyt y chwechet weith.
Na buch namyn o|e heil llo hyt y naỽuet lo.
A chyt elhont ỽy dros yr oet hỽnnỽ; ny ostỽg
ar eu gỽerth tra vont uyỽ. O|r llad gỽarth+
ec trefgord eidon. Ac na ỽypper pỽy ae llad+
aỽd; doet perchennaỽc yr eidon a chreir gan+
taỽ yr tref. A rodent lỽ diarnabot. Ac odyna
talent yr eidon y rif eidon. Ac o|r byd eidon mo+
el; ran deu eidon a a arnaỽ. Ar gyfreith hon+
no a elwir llỽyr tal gỽedy llỽyr tỽg. O|r byd
adef ar neb eidon llad y llall; talet y perchen+
naỽc ef. Pedeir keinhaỽc kyfreith yỽ gỽerth
dant eidon neu dant march tom.
Oen tra dynho; keinhaỽc. kyfreith. a tal. Pan
| « p 63 | p 65 » |