Bodorgan MS. – page 66
Llyfr Cyfnerth
66
to dynu hyt ỽyl ieuan y moch; pedeir keinha+
ỽc. kyfreith. a| tal. Odyna hyt galan ionaỽr;
dec keinhaỽc a| tal kyfreith. Odyna hyt ỽyl ie+
uan y moch elchỽyl; deudec keinhaỽc
.kyfreith. a tal. eithyr y tri llydyn arbenhic
ny drycheif ac ny ostỽg arnunt byth. Ar+
benhic y moch. A hỽch yg kyfeir yr argl +
id. A baed kenuein. Ac yna deu·parthaỽc
uyd yr eneit ar y corff. O ỽyl ieuan y moch
hyt galan ionaỽr; dec ar hugeint a tal.
Ac yna deuparthaỽc uyd y corff ar yr ene+
it. Nyt oes werth kyfreith ar gnyỽ hỽch
hyt ym pen y ulỽydyn. Ac yna kyfreith
hỽch maỽr a gymer. Y neb a wertho moch
bit y danunt tri·dieu rac y vynyglaỽc. A|th*
tri mis rac yr hualaỽc. Ac nat yssont eu
perchell. Ac os yssant; trayan y gỽerth a
dylyir y| eturyt trachefyn. O|r llad moch
dyn; talet eu perchennaỽc galanas y
dyn neu wadet y moch.
Kyỽ gỽyd tra vo dan adein y vam. ke+
inhaỽc cota a| tal. O|r pan el y·dan a+
dein y vam; keinhaỽc. kyfreith. a tal hyt aỽst.
O aỽst allan; dỽy geinhaỽc. kyfreith. a tal. Ac
| « p 65 | p 67 » |