Bodorgan MS. – page 8
Llyfr Cyfnerth
8
dewisso. Mab neu nei vab braỽt yr bren ̷+
hin uyd y penteulu. Y neb a wnel kama
is colofneu y llys os deila y penteulu ef
ỽrth gyfreith; trayan y dirỽy neu y cam ̷+
lỽrỽ a geiff. Ac os deila heuyt yg kynted
y neuad yn gynt nor distein; trayan y
dirỽy neu y kamlỽrỽ a geiff y penteulu.
Corneit med a daỽ idaỽ ym pop kyfed y
gan y vrenhines. O|r gat y brenhin neb
o|r teulu ar var y gantaỽ hyt odis y pen ̷+
tan; gohodet y penteulu hỽnnỽ attaỽ
e hunan. Ar tal y neuad yd eisted y pen ̷+
teulu. ar teulu yn| y gylch. March bitwos+
seb a geiff y gan y brenhin. A dỽy ran idaỽ
E neb a sarhao effeirat [ o|r ebran.
teulu; diodefet kyfreith sened. Ac
am y warthaet; deu·deg mu a telir idaỽ.
y trayan a geiff ef. Ar deu·parth a geiff y bren+
hin. Effeirat teulu a geiff y wisc y penyt ̷+
tyo yndi y brenhin erbyn y pasc. Ef hefyt
a geiff offrỽm y brenhin ar teulu ac offr ̷+
ỽm y saỽl a gymerho offrỽm yn| y teir gỽ ̷+
yl arbenhig. y gan y brenhin. Bỽyt seic
a geiff o|r llys A chorneit med. A march a ge+
| « p 7 | p 9 » |