NLW MS. 24029 (Boston 5) – page 101
Llyfr Blegywryd
101
ẏ gan ẏ|brenhin. Maer. a|chẏgkellaỽr
biwẏnt cadỽ diffeith ẏ|brenhin hẏnnẏ
wnel ẏ|vod ohonnaỽ. A hỽẏnt o|gẏfre ̷+
ith a|gaffant ẏ mel a|r|pisgaỽt. a|r|bỽ ̷+
ẏstuileit bẏchein gwẏllt. O|enill oll
ẏ brenhin ẏ|gan ẏ|vilaeineit. ẏ|traẏ ̷+
an a gaffant. o|r gwẏr rẏdẏon nẏ|ch ̷+
affant dim. Nẏ|bẏd penkenedẏl ẏ
maer n ẏtra vo maer. Ac nẏ cheiff eist ̷+
edua dilis ẏn neuad ẏ|brenhin. Kẏlch
a|geiff ar vilaeneit ẏ|brenhin dwẏ we ̷+
ith. ẏnn|ẏ vlwẏdẏn ar ẏ|betwerẏd. Ẏn
anreith ẏd|a ar|ẏ betwerẏd ẏ·gẏt a|the ̷+
ulu ẏ brenhin. Pan gollo dẏn ẏ anrei ̷+
th o|gẏureith. Maer. a|r kẏgkẏllawr bi ̷+
eu ẏr anreired. A|r enderiged. A|r|dine+
wẏt. Ac o|r rei hẏnnẏ ẏ|maer a|geiff
rann. deuwr. Teir punt ẏỽ; cowẏll ẏ ̷
verch. Seith punt ẏỽ; y|hegwedi. Gw+
erth galanas maer ẏỽ; naỽ mu. a|naỽ
vgein gan tri dẏrchauel. Ac vellẏ dros
ẏ kẏgkellaỽr. Dros sarhaet pob vn
ohonunt. ẏ|telir naỽ mu. a|naỽ vgeint
arẏant. Punt ẏỽ; ebediỽ pob vn ohon ̷+
unt. Ebediỽ breẏr ẏỽ; wheugeint.
| « p 100 | p 102 » |