NLW MS. 24029 (Boston 5) – page 151
Llyfr Blegywryd
151
Y neb a|gaffo iar ẏnn|ẏ ard lin. neu ẏ+
n|ẏ ẏsgubaỽr. dalẏet ẏ|ar* hẏnnẏ dillẏg+
ho ẏ perchen hi o|ỽẏ. Neu o|r|deila ẏ keila+
ỽc; torret eỽin idaỽ. a gollẏget ef ẏn
rẏd. neu gẏmeret ỽẏ o|bop iar oc a|uo
ẏn|ẏ tẏ. Y neb a dalho cath ẏn llẏgotta
ẏnn|ẏ ard lin. talet ẏ perchen ẏ llỽgẏr.
Y neb a gaffo lloi ẏnn|ẏ ẏt; dalẏet ỽẏ
o|r prẏt ẏ gilẏd heb laeth eu mameu.
ac ẏna gollẏget ẏn rẏd. O|R lliygrir
ẏt ẏ|neb dẏn ẏn emẏl trefgord. ac na
chaffo ẏ|perchen dala vn llỽdẏn arnaỽ;
kẏmerẏt* ef ẏ|creir a|doet ẏ|r|tref. Ac o|r
tẏgant lỽ diarnabot. talent ẏ|rif llỽ+
dẏn. A|r gẏureith honno a|elỽir telhi+
tor gỽedẏ halaỽclỽ. O|R deila dẏn ẏs+
grẏbẏl ar|ẏ ẏt; a|bot y·mdaeru ẏ·rỽg
ẏ|deilat a|r perchennaỽc ẏr ẏsgrẏbẏl.
Ẏ|deilat bieu tẏgu caffel ẏ blaeineit
a|r olẏeit ar|ẏr ẏt. O|R deila dẏn ẏsgr+
ẏbẏl agkẏneuin ar ẏt. neu ar weir. Ac
ẏmlad o|r ẏsgrẏbẏl ẏnn|ẏ gỽarchae. A
llad o|lỽdẏn ẏ|llall; perchennaỽc ẏr ẏsg+
rẏbẏl bieu talu ẏ|llỽdẏn a|lladher. a|r
deilat a|uẏd rẏd. O|R llad ẏsgrẏbẏl tre+
| « p 150 | p 152 » |