NLW MS. 24029 (Boston 5) – page 26
Llyfr Blegywryd
26
kẏnllauaneu. LLamẏsten dof a geiff pob gỽ+
ẏl vihagel ẏ|gan ẏr hebogẏd. Naỽuettẏd o
galan gaẏaf ẏ dẏlẏ ẏ|penkẏnnẏd a|r|kẏnẏ+
dẏon ereill dangos ẏ|r brenhin ẏ|gỽn. a|e gẏ+
rn. a|e gẏnllauaneu. A|e traẏan o|r crỽẏn.
Wrth reit ẏ|brenhin ẏd|helẏant hẏt ga+
lan gaẏaf. o|hẏnnẏ hẏt ẏmhen ẏ|naỽuet+
dẏd o|r vn mis hỽnnỽ; nẏ|helẏant ẏ|neb.
namẏn vdunt e|hunein. heb gẏuran dim
a neb. Ẏ|tir a geiff ẏn rẏd. a|e varch ẏn wa+
stat ẏ|gan ẏ|brenhin. A dỽẏ ranneu idaỽ
o|r ebran. Ẏr haf ẏ|keiff croen buch. Ac o+
nẏ|chẏffry ef ẏ distein ẏnn|ẏr amseroet
hẏnnẏ; nẏ|s keiff gỽedẏ hẏnnẏ. Ef a gei+
iff pedeir keinnaỽc kẏfreith ẏ gan pob
kẏnẏd milgi. Ac ỽẏth geinnaỽc kẏfreith.
ẏ|gan bop vn o|gẏnẏdẏon ẏ gellgỽn. pan
elhont ẏn eu sỽẏdeu. Pan el ẏ brenhin
ẏ anreithaỽ; kanet ẏ penkẏnẏd ẏ gorn.
pan vo amser idaỽ. A deỽisset ẏ llỽdẏn a
vẏnho o|r anreith. Ac o|traẏan ẏ brenhin
o|r crỽẏn; ẏ|penkẏnẏd a|geiff ẏ trayan
| « p 25 | p 27 » |