BL Cotton Titus MS. D IX – page 41v
Llyfr Blegywryd
41v
ac yn erbyn etiued o|e anuod heb vraỽt.
neu oresgyn trỽy w·ercheittỽat o|e anuod
ac yn erbyn y|iaun dylyedaỽc o|e anuod
a|heb vraỽt. Perchennaỽc yỽ; y|neb a|uo
yn medu y|dylyet dilis. Gỽercheitỽat yỽ;
y|neb a|gynhalyo. neu a|warchattỽo dyly+
et dyn arall trỽy y gannyat.
O Tri mod y|dosperthir dadyl datanud
yrỽg etiuedyon; nyt amgen tr ̷+
ỽy tri breint annyanaỽl. kyntaf
yỽ; breint oet yrỽg hynaf a|ieuhaf. Eil
yỽ breint priodaf* yrỽg etiued kyureitha+
ỽl. ac vn agkyureithaỽl. canys y|kyurei+
thaỽl a|e keiff oll. Trydyd yỽ; breint dy+
lyet yrỽg dylyetaỽc. ac andylyedaỽc. Os
tateu y|rei hynny hagen a|gynhalyssant
yr vn tir. wers tra gỽers hyt eu hageu.
Os eu meibon a|daỽ y erchi datanud; mab y
dylyedaỽc a geiff datanud o|gỽbyl py|b+
ryt|bynnac y|del. Odynna o|r doant eti+
uedyon vn rad ygyt. ac yn|yr vn amsser
y|ouyn datanud megys brodyr. neu gef+
enderỽ. neu gyferderỽ. o|tir eu|tateu. yr
hỽnn a|gynnhelis eu|tateu yn|diran wers
tra gỽers hyt eu marỽ. ny dichaun vn o+
honunt gỽrthlad y|llall. na|e oedi. namyn
| « p 41r | p 42r » |