Cardiff MS. 1.363 (Hafod 2) – page 55v
Brut y Brenhinoedd
55v
bot y oỽyn ef arnadỽnt. kanys chwedleỽ ky+
hoed a dywedyt ym pob lle bot y mor yn
kyfflaỽn o lyghes kasswallaỽn yn erlyt Wlke+
ssar. Ac ỽrth hynny glewach yd ymrodynt y
keyssyaỽ gwrthlad Wlkessar oc eỽ tervyneỽ
wynt. Ac y gyt ac y gweles Wlkessar hynny
ny mynnỽs ef mynet ym pedrỽsder ymlad ac
wynt. namyn agory y trysor a orỽc ar rody
da yn dyỽessỽr y pob ỽn ar neylltỽ o·nadỽnt.
ac y ỽelly eỽ dwyn yn tagnheỽed ac yn ỽn ac
ef. Ac y gyt a hynny yr pobyl a|daỽ rydyt. ac
yr rey ry kollassey tref eỽ tat y hynnyll|ỽdỽ+
nt. ac yr keyth a|daỽ rydyt. Ar gwr a oed
gynt yn dywal megys llew. yn awr megys oen
gwar yn llawen yn talỽ yr eydaỽ y paỽb. Ac|ny
orffwyssỽs ef o wneỽthỽr y clayardredeỽ hynny
hyt|pan tagnheỽedỽs ef paỽb ac eỽ dwyn yn
ỽn ac ef a chaffael y arglwydyaeth arnadỽ+
nt megys kynt. Ac yna eyssyoes nyt aey ỽn
dyd heybyaỽ hep koffaỽ bỽdỽgolyaeth y
brytanyeyt a ffoedygaeth Wlkessar. a hy+
nny kan y watwaredygaeth.
| « p 55r | p 56r » |