BL Harley MS. 958 – page 22r
Llyfr Blegywryd
22r
peth ẏn gẏffreẏthaỽl ẏ ereiỻ ẏn erbẏn
amdẏffẏnnỽr neỽ amdiffẏnỽr pan tẏsto
ẏnteu peth ẏn gẏfreithaỽl ẏn erbẏn tẏs+
ton. ẏ reẏ hẏnnẏ a elwir gỽrth·tẏston
ẏ|ghẏfreith. Ac nẏ dẏlẏir eu ỻẏssu. Teir
tẏstolẏaeth ẏssẏd ar eir ac nẏ dẏgẏr ẏ gre+
ir. tẏstolẏaeth ỻeidẏr ar ẏ|gẏt·leidẏr ỽrth
ẏ groc. A|thẏstolẏaeth nẏt elher ẏn|ẏ erbẏn
pan dẏcker ar eir. A|tẏstolẏaeth gỽrth·tẏston.
T Ri ỻeidẏr camlẏrẏỽs ẏssẏd. ỻeidẏr ki.
A ỻeidẏr ỻysseu ẏn|ẏ tẏfhont o|r daẏar.
A ỻeidẏr a tẏster arnaỽ ẏn gwadu ỻedrat.
o·nẏ|s llẏssa. Tri ỻeidẏr dirỽẏus ẏssẏd.
ỻeidẏr hẏd brenhin gwedẏ as ỻatho ẏ gỽn.
A ỻeidẏr ẏ paỻo ẏ reith idaỽ. A|ỻeidẏr a|la+
tho ỻỽdẏn ẏ dẏn araỻ ẏn|ẏ tẏ neu ẏn ẏ
uuarth ẏn ỻedrat. Tri ỻeidẏr gỽerth
ẏssẏd. ỻeidẏr ẏ kaffer dogẏn vanac arnaỽ
trỽẏ eglỽẏs. A chẏt·leidẏr ỻeidẏr a groc+
ker am|ledrat. A|ỻeidẏr a dalher gwerth pe+
deir keinhaỽc gantaỽ neu lei o da marwaỽl
ẏn ỻedrat. Tri ỻeidẏr crogadỽẏ ẏssẏd. ỻei+
dẏr da bẏwaỽl a dalher. vn ỻỽdẏn ar ẏ liỽ
gantaỽ. A|ỻeidẏr da marwaỽl a dalher i
gỽerth pedeir keinhaỽc kẏfreith ẏ|gantaỽ
| « p 21v | p 22v » |