BL Harley MS. 958 – page 55v
Llyfr Blegywryd
55v
dieu a|their·nos. rac ẏr ẏsceueint tri mis. rac peỻe+
neu ulỽẏdẏn. Teithi ẏch ẏỽ eredic ẏn rẏch ac
ẏ|gweỻt ac ẏn aỻt. ac ẏ|gwaeret. A|hẏnnẏ ẏn diton+
rỽẏc. Ac onẏ bẏd ueỻẏ. nẏ bẏd teithiaỽl. Ac onẏ
bẏd teithiaỽl. atueret ẏ neb a|e gwertho traẏan
ẏ werth ẏ|r neb a|e prẏnho. Y neb a|talho neu a
wertho ỻo neu dinaỽet. meichet dros ẏ dilẏssrỽẏd.
A bit dros deu gleuẏt. rac ẏ|dera tri·dieu a|theirnos.
A rac clafri o ỽẏl ẏr hoỻseint hẏt ỽẏl padric. Y|neb ẏ
del idaỽ nẏ dẏlẏ ẏ dỽẏn ẏm|plith anniueileit clafỽr.
nac ẏ tẏ ẏ buassei anniueileit clafỽr ẏndaỽ seith
mlẏned kẏn no hẏnnẏ. Y neb a|latho aniueil
dẏn araỻ ẏn|ẏ uuarth ẏn ỻedrat a|hẏnnẏ ẏn hon+
heit. talet ẏn deudẏblic. Ac os gwatta. gwattet
ar ẏ petwẏrẏd ar|hugeint o|e gẏfnesseiueit. Y neb
a|gẏmerho abo ỻỽdẏn dẏn araỻ heb ẏ|ganhat vn
talet drostaỽ lỽdẏn araỻ vn rẏỽ ac vn werth ac ef.
A|thri buhẏn camlỽrỽ ẏ|r brenhin. Y neb a|gẏ+
ỻeỻo anniueil marỽ dẏn araỻ. talet anneueil
vn rẏỽ ac ef drostaỽ. a|their|bu camlỽrỽ ẏ|r bren+
G werth ebaỽl o|r pan anher hẏt [ hin.
aỽst. pedeir keinhaỽc kẏfreith ẏỽ. hẏt rac+
uẏr deudec keinhaỽc. hẏt galan hwefraỽr. deu+
naỽ. hẏt galan mei. pedeir ar|hugeint. hẏt aỽst
dec ar hugeint. hẏt racuẏr vn ar|pẏmthec ar|huge*
| « p 55r | p 56r » |