Oxford Jesus College MS. 119 (The Book of the Anchorite of Llanddewi Brefi) – page 23v
Ystoria Lucidar
23v
Harglỽyd. A|phan draethont o dwylaỽ bu+
dyr. A chyt wybot halaỽc y|maent yna yn|y
grogi ef. A uyd cared ar|y|bopyl o achos y|rei
hynny. Am halogi o|veibon ely gynt aberth
yr arglỽyd. Wynt a|las ar|bopyl ygyt ac
ỽynt hayach. Ac vrth hynny os y|deillonn
a|dywyssa deillonn ereill. Wynt a|dygywydant
ygyt yn|y klaỽd. Ac vrth hynny a gyt·synnyo
ac wynt a|vydant kyfurannaỽc ar|y|poynev.
A|wna y|ryỽ rei hynny corff krist. kyt boent
amperffeithach. eissoes drỽy y|geiryev a dat+
kanont wy. y|byd corff yr arglỽyd. kannys krist
e|hun a|e gwna ef. Ac nyt wyntỽy. A|thrỽy y
elynnyon y|gỽna ef Jechyt o|e veibon. Ac ny
byd gwell o laỽ y|rei gorev corff yr arglỽyd.
ac ny byd gwaeth o laỽ y|rei gwaethaf. megys
na helyc paladyr yr heul gann tom yr|ystevyll
bychein. Ac na loywheir y|tywynn ar|y|kreirev.
Paham y|byd drỽc da kymeint a|hỽnnỽ yr|nep
a|e kymero. Am|y gymryt dros wahard. kan ̷+
ny|s gỽahardedic yỽ y|gymryt ef yn anheilỽg.
Nyt oed vn aval drỽc ym|paradỽys. ac eisso+
es ef a|drosses yn drỽc y|dyn. Am|y gymryt y
gann y kythreul. A allant wy dagneuedv a
duỽ dros y|bopyl. Ys mỽy y|coddant ef. kanys
| « p 23r | p 24r » |