Oxford Jesus College MS. 119 (The Book of the Anchorite of Llanddewi Brefi) – page 43r
Ystoria Lucidar
43r
da yn wastat. Ac yn menegi y|duỽ. Ac yr engyly+
on yn|y nef y holl weithredoed. A duỽ yn gỽybot
pob peth. Ar engylyon yn gỽelet yndaỽ yntev
pob peth. Pa|beth a|ellir y|vynegi vdunt ar ny|s
gỽyppynt. nyt oes dim amgen o|venegi o|r eg+
ylyon yn gỽeithredoed ni y|duỽ. Ac yr engyly+
on ereill. no chyt laỽennhav onadunt ynn
duỽ o achos yn lles ni. megys y|dyỽedir. lleỽe+
nyd a uyd gann egylyon duỽ am vn pechadur
a|ỽnnel y penyt yn|y byt hỽnn. Ygwrthỽynep
y hynny. tristav a ssorri a|wnant am yn dryc+
weithredoed ni. A vydant ỽy ar|y dayar yn was+
tat ygyt a rei y maent yn|y cadỽ. pann vo re+
it vrthunt. ỽynt a|deuant o|e nerthu. Ac yn
bennaf pann ỽedier ỽynt. Ac ny byd mỽy y|go+
dric yn dyuot o|r nef yr llaỽr. Ac odyno drache+
uen noc ennyt vn voment. Ac yr y|dyuot at+
tam ni velle. ny thỽyllir ỽy yr hynny oc ev
gogonnyant o|vyỽn. kannys ỽynt a|ỽelant
ỽyneb y tat pa|du bynnac yd anuonner ỽynt.
Pa phuryf yd ymdangossant ỽy yr dynyon.
yn furyf dyn. kannys am vot dyn yn gorffora+
ỽl. ny dichaỽn ef ỽelet yspryt. Vrth hynny y ky+
merassant ỽy corfforoed o|r aỽyr val y gallo dyn
ev gỽelet. Ac eu klyỽet. A uyd y|diefyl yn pre+
| « p 42v | p 43v » |