Oxford Jesus College MS. 119 (The Book of the Anchorite of Llanddewi Brefi) – page 7v
Ystoria Lucidar
7v
annyueileit mut a|e|ssynnyant. kanys ỽynt
a gatỽant y gyureith a orchymynnaỽd duỽ
vdunt. Pa ryỽ beth a dyỽedir. Ef a|ỽnaeth+
pỽyt y|gosper. ar bore. Y gosper yỽ diỽed y
peth a|orffenner. ar bore yỽ y|dechreu. Dyỽ+
et athro a|uo amlygach. Yn gyntaf y gosso+
des duỽ megys brenhin kyuoethaỽc llys
arderchaỽc idaỽ a|elỽir teyrnnas nef. Ody+
na. nyt amgen. y|byt hỽnn. ac yndaỽ yn+
tev lle agheuaỽl. Sef yỽ hỽnnỽ vffernn.
Ac yr llys honno y|racỽelas ef anuon rif
hysbys o etholedigyon. a|hynny o egylyon
a dynyon. Nyt amgen. y|naỽ|rad o|r egyly+
on. ar decuet o|r dynyon. Paham y|gỽnaeth
ef y naỽ o|r egylyonn. O achaỽs y|drindaỽt.
kanys yn|y naỽ y|byd tri deirgỽeith. A dyn o
vn rad o achaỽs vnnolder megys yd adoler
yn vn ac yn tri. y gann yr egylyonn. ar
dynyon. Paham nat o|r egylyonn e|hun y
gỽnaey ef rif yr etholedigyon. Deu ryỽ
natur yn bennaf a|oruc duỽ. Vn ysbrydaỽl.
Ac arall corfforaỽl. Sef y|mynnaỽd ef. y|bop
vn y|voli. nyt amgen o|r ysbrydaỽl. megys
o|r egylyonn. pan dyỽetpỽyt. bit y|goleini.
ac y|gỽnnaethpỽyt y|goleini. A|dyỽat duỽ
| « p 7r | p 8r » |