NLW MS. Llanstephan 27 (The Red Book of Talgarth) – page 109v

sanaethwyr a ymryssonynt hyt na|m rodit y|r Jdewon. ỽrth hyn+

ny nyt yttiỽ yr aỽrhonn uyn teyrnas i yma. Brenhin ỽyt ti

heb·y pilatus. Tydi heb·y iessu a dywaỽt vy mot i yn vrenhin.

yn hynny y|m|ganet i heb ef. ac ar hynny y deuthum y rodi

tystolyaeth y|r wirioned. a phaỽb o|r a hanffo o|r wirioned a waren+

deu vy ỻef|i. Pa beth yỽ y wirioned heb·y pilatus. Gwirioned

o|r nef y mae heb·yr iessu. Ny henyỽ y wirioned o|r daear heb·y pi+

latus. Edrych y wirioned wedy ry disgyn ar y daear heb·yr

iessu. yr|aỽrhonn y bernir y gan y neb y mae y medyant idaỽ

yn|y|daear. Ẏna yd edewis pilatus Jessu yn|y dadleudy ac yd

aeth aỻan att yr Jdewon. a dywedut udunt nat yttoed ef yn

kaffel neb·ryỽ gamwed ar iessu. Ef a|dywaỽt heb yr Jdewon

y gaỻei ef dattot temyl duỽ. ac yn|y tri·dieu y chyuodi o new+

yd. Heb·y pilatus pa ryỽ temyl. Heb yr idewon. y demyl a|adei+

lyaỽd selyf yn oet seith mlyned a|deugeint. a hỽnn a dywaỽt y

dattodei. ac yn|tri diwarnaỽt y hatwnaei o newyd. Diargyw+

ed ỽyf|i heb·y pilatus o|waet y gỽirion hỽnn ual y gỽelỽch chỽi.

Bit arnam ni ac ar yn meibyon y waet ef heb yr idewon. A

galỽ ar neiỻtu a|oruc pilatus y hyneif yr idewon ac eu hoffei+

reit. ac y eu diagonyeit. a dywedut ỽrthunt yng|kyfrinach. na

chuhudỽch ef ueỻy. ny chaffaf|i dim arnaỽ ef. nac o|e Jachau

y sadỽrn. Pỽy bynnac heb ỽynt a uolesto cesar. ef a haed y

dihenydyu ynggwaethach a uolesto duỽ ual y goruc hỽnn. Ef

a|dywaỽt y vot yn|duỽ ac yn vrenhin. Ac yna yd erchis pilatus

y|r Jdewon mynet aỻan o|r dadleudy. a|galỽ ar iessu a|govyn

idaỽ pa beth a|wnaei amdanaỽ. Gỽna ual y rodet medyant

ytt heb·yr iessu. Pa vedyant a|rodet ymi heb·y pilatus. a|pha|delỽ