Breudwd Welsh Prose 1300-1425
Cymraeg

NLW MS. Llanstephan 27 (The Red Book of Talgarth) – page 155v

Deall Breuddwydion

155v

Gỽelet yn bỽyta kic. dy anghyfeiỻon yn dywedut drỽc amdanat  
Gỽelet dy uot yn enrydedus. enniỻ a|arỽydockaa. 
Gỽelet dy uot yn adeilyat ty. ỻewenyd a|arỽydockaa. 
Gỽelet bỽrỽ dy ty y|r ỻaỽr. coỻet a|arỽydockaa. 
Gỽelet dy ty yn ỻosgi. perigyl a|arỽydocaa. 
Gỽelet seirff teilyngdaỽt a|arỽydockaa. 
Gỽelet dy dant yn dygỽydaỽ. coỻi rei o|th dynyon. a|arwydockaa. 
Gỽelet dy vot yn dygỽydaỽ. perigyl o|th eneit a|arỽydockaa. 
Gỽelet yn marchogaeth march gỽelỽ. kennat da a|digrifỽch.
Gỽelet dy yspeilaỽ. coỻet a arỽydockaa. 
Gỽelet dy uot yn vedỽ. clefyt a|arỽydockaa. 
Gỽelet yn marchogaeth march du. kyfyngrỽyd a|arỽydockaa. 
Gỽelet yn marchogaeth march coch. kennat da a|arỽydockaa. 
Gỽelet dy vot ar|gyfeilyorn. molest uaỽr a arỽydockaa. 
Gỽelet dy wyneb myỽn dỽfyr. Hoedyl hir a|arỽydockaa. 
Gỽelet wyn ebrỽyd tec. enryded a|arỽydockaa. 
Gỽelet yn kaffel ffynhonneu. gỽneuthur neges araỻ yr enniỻ.
Gỽelet auon yn kerdet trỽy dy ty. perigyl o vuched. arwydockaa. [ a|arwydockaa.
Gỽelet geni meibyon neu uerchet ytt. coỻet a|arỽydockaa. 
Gỽelet dy uot yn|torri heyr neu yn|y ffustyaỽ. diỻyngdaỽt. arwydockaa.
Gỽelet auon loeỽ. diogelrỽyd a|arỽydockaa. 
Gỽelet ffynnhonneu yn kychwynnu y|th ty. didanỽch a|arwydockaa. 
Gỽelet ỻewenyd hyt nos. molest a|arỽydockaa. 
Gỽelet tymestyl o dryckin. coỻet a|arỽydockaa. 
Gỽelet llettyaỽ dynyon. kynghoruynt a|arỽydockaa. 
Gỽelet cladu dynon meirỽ. neu eu kyrff. ỻafur a|arỽydockaa.
Gỽelet gỽneuthur gardeu neu adeilat. digrifỽch a|arwydockaa.