NLW MS. Llanstephan 4 – page 8v
Chwedlau Odo
8v
a gynghorei idaỽ am y heint. A|r vran a
dywaỽt. Mi a|wnaf blastyr ytt yr hỽnn a|th
wna yn iach. a|r eryr a|dywaỽt O|r gỽney
di hynny mi a|dalaf dy lauur ytt yn dilys.
a|r vran a|aeth ac a|gymerth gỽer ac ys+
purge ac a|e briwaỽd ygyt ac a|e|dodes
ỽrth. lygeit yr eryr. ac o hynny y|coỻes y
lygeit o gỽbyl. ac yna yd aeth y vran ac y
ỻadaỽd gywyon yr eryr ac y hyssaỽd ỽynt.
ac odyna hi a|doeth ac a ffustyaỽd yr eryr
yn vynych ac a|e|doluryaỽd. Ac yna y|dyw+
aỽt yr eryr. O emeỻdigedic vych di a|th
vedeginyaeth yn|gyntaf ti a|m ỻedeist i
a gỽedy hynny ỻad vy meibyon adar.
ac beỻach yd ỽyt y|m|doluryaỽ inneu o
vynych dyrnodeu. Yna yd attebaỽd y
vran. Je heb hi tra eỻeist di welet ny beid+
ỽn i y ymyrru ar dy veibyon di. Eissyoes
yd oedỽn i yn chỽennychu hynny ac yn
y damunaỽ yn vynych. Ac bellach mi a
gefeis vy ewyỻys a|m didanỽch
yr eryr uchot yỽ prelat yr eglỽys a cheit+
wad yr eneideu. a|e lygeit yn agoret yn
kadỽ y|veibyon adar. nyt amgen no|r
ffald a|orchymynnaỽd duỽ y chadỽ y|r tat
ysprydaỽl doeth. Y|vran yỽ y kythreul yn
| « p 8r | p 9r » |