NLW MS. 3036 (Mostyn 117) – page 111
Brut y Brenhinoedd
111
teynt yd ymrannyssant y distryỽ y mur. Ac yna
y|gossodet y|ỽ hamdiffyn ỽynteu y bileinllu di+
aruot aghyfrỽys ar ymlad paraỽt ar ffo bei lle+
uessynt. Ac ny orffowyssynt y|gelynyon o uỽrỽ
agheuolyon ergytyeu yn eu plith. Ac o|uỽrỽ bach+
eu gỽrthuinyaỽc ỽrth linyneu. Ac yuelly y|try ̷+
myon uileinllu o|r kestyll ac o|r kaeroed a tynnynt
hyt y llaỽr. Ac yna trỽy amryỽ poeneu y|gorffen ̷+
nynt eu hageu. A digaỽn o didan ac o da oed gan
y neb a gaffei yr ryỽ agheu hỽnnỽ arnaỽ. rac y ryỽ
amryualyon poeneu a welynt y wneuthur ar eu
kereint ac eu ketymdeithon yn eu gỽyd. Oi a duỽ
maỽr a beth yỽ guelet dỽywaỽl dial ar y pobyl
am eu hen pechodeu. kanys pei bydynt yna y
saỽl uarchogyon a dugassei vaxen gantaỽ trỽy
y ynuytrỽyd a|e syberwyt; ny deuei pobyl y|ynys
prydein a allei oruot arnadunt. Ac amlỽc oed
bot yn wir hynny hyt tra uuant. ỽynt a weres ̷+
cenyssant y guladoed a|r|brenhinaetheu o agos
ac o|pell y|ỽrthunt. Ac a gynhelynt ynys prydein
heuyt yn araf ac yn hedỽch. Ac y·uelly hagen y
damweinha pan adaỽher brenhinyaeth y|r bi+
lein creulaỽn. Beth weithon a dywedaf ui. na+
myn yna yd edewit y dinassoed a|r keyryd yn
wac ac yn diffeith. guedy daruot y|r gelynyon
llad eu kiỽdaỽtwyr. Ac ỽrth hynny y kauas
guedillon y pobyl truan yn eu kyghor anuon
| « p 110 | p 112 » |