NLW MS. Peniarth 11 – page 1r
Ystoriau Saint Greal
1r
M *Egys yd|oed yr amheraỽdyr arthur yn|y ỻys a|elwit
camalot nos sadỽrn sulgwynn. oet yr arglwyd iessu
grist. pedeir blyned ar|dec a deugeint a|phedwar|cant.
Ac ygyt ac ef yd oedynt o vilwyr y vort gronn dec a|deugeint a
chant. a gwedy mynet paỽb y eisted onadunt a ruthraỽ ar vwyta.
nachaf yn|dyuot y myỽn hyt geyr|bronn arthur vnbenn ieuanc
yn aruaỽc ef a|e varch. Ac yn dywedut ỽrth arthur. Hanpych gw+
eỻ amheraỽdyr arthur heb ef. a|thitheu unben poet da itt heb
yr arthur. Arglỽyd heb y mackỽy a yttiỽ laỽnslot yma yn vn ỻe. ~
Yttiỽ vnben heb·yr|arthur. a|e|dangos idaỽ a|oruc. yna y mackỽy a
doeth parth ac att laỽnslot. ac adolwyn idaỽ yr mỽyn yr hynn mỽyhaf
a|gararaỽ* eiryoet dyuot y·gyt ac ef hyt y|fforest a|oed yn|agos udunt.
Pa|ryỽ neges vnben yssyd ytti a|myui heb y laỽnslot. Ti a|e|gỽely
arglwyd wedy y delych yno heb y mackwy. yn|ỻawen heb y|lawnslot
a minneu a af ygyt a|thydi. Ac yna erchi y ysgỽier idaỽ dỽyn y
arueu attaỽ. ac ueỻy y gorucpỽyt. a|phan|welas y brenhin hynny
a|barỽnyeit y|ỻys. ny|bu|hoff ganthunt. Ac yna gỽenhỽyuar a
dywaỽt. laỽnslot heb hi. a|oes gennyt ti onyt yn gadaỽ ni ar dyd
kyvuch a hediỽ. Arglwydes heb y mackỽy. gỽybyd yn|ỻe|gỽir y byd
ef. yma dra|e|gevyn auory erbyn bwyt. Gan hynny heb hitheu
aet ynteu ygyt a|thydi yn ỻawen. Ac ar hynny esgynnv ar eu
meirch a|orugant. ef a|r marchaỽc araỻ. ~
A gwedy kychwyn|ohonunt. Marchogaeth a|wnaethant yny
doethant y|r fforest. a gỽedy marchogaeth onadunt mỽy
no hanner miỻtir ohonei. ỽynt a|doethant y vanachlaỽc gỽra+
ged. A|phan wybuant. ỽy panyỽ laỽnslot a|oed yno. ỻawen vuant
The text Ystoriau Saint Greal starts on line 1.
| p 1v » |