NLW MS. Peniarth 11 – page 27r
Ystoriau Saint Greal
27r
a|gymerth march laỽnslot a|e gyfrỽy ac a|e duc o|e arglỽ+
yd. ac a|dywaỽt. dos di|heb ef ar y|march hỽnn. kanys gỽeỻ
y|dyly di varch da no|r marchaỽc diaỽc racko. Ac yna y mar+
chaỽc a|gymerth y|march drỽy y|diolỽch y duỽ. ac a|aeth ac
ef ymeith. ac a tyngaỽd na orffowyssei vyth yny wypei pa+
ham yd|ymdangosses seint greal yn amrauael leoed yn ỻoe+
gyr. mỽy no yn|ỻe araỻ. a|phaham y ducpỽyt ef y loegyr.
Myn vyng|kret heb yr ysgỽier ti a|dywedeist digaỽn. a|duỽ
a|wnel itt orffenn hynny yn anrydedus. ac veỻy y kychwyn+
naỽd ef ymeith y·gyt a|r|ysgỽier. A gỽedy kerdet ohonunt
amkan y hanner miỻtir. ef a|gyvodes laỽnslot. Ac yna
medylyaỽ a|oruc beth oed yr hynn a|welsei ae breudwyt
ae ynteu peth araỻ. Ac yna ef a|doeth hyt y capel. ac a|ar+
ganuu y canhỽyỻbrenn. eissyoes dim o seint greal nys|gỽe+
les ef. ac a|laỽnslot yn medylyaỽ yno yn hir a|glywei lef
yn|yr awyr yn|dywedut. Laỽnslot galedach no maen. chwe+
rwach no|r|prenn. dos ymeith ody yma. a|phaham y bydut
mor hy a|dyuot y|r|ỻe y bei seint greal. ac|y|mae y|ỻe o|th achaỽs
di yn|drewi. A|phan gigleu ynteu y parabyl hỽnnỽ ef a|aeth
ymeith yn gewilydyus druaneid dan wylaỽ ac ymeỻdigaỽ
yr aỽr y ganet. a|dywedut na deuei vyth ar|anryded kanys
paỻassai arnaỽ gael gwelet seint greal. A|phan doeth ef hyt
y groes dracheuyn. ny chafas ef na|e varch na|e gyfrỽy na
e helym na|e gledyf. ac yna ef a|adnabu bot yn wir yr hynn
A C|yna y dechreuaỽd ef ym·dolur +[ a|welsei ~
yaỽ o|dristit. ac y|dywaỽt. och duỽ heb ef yr aỽr·honn
| « p 26v | p 27v » |