NLW MS. Peniarth 11 – page 77v
Ystoriau Saint Greal
77v
y wastattir. yn|y ỻe yd oed casteỻ tec cadarn o vur a|ffossyd a
dỽvyr redegaỽc. A phan weles y rei o|r casteỻ ỽynt yn|dyuot
paỽb a|dywaỽt. Grassaỽ duỽ ỽrth·yt arglỽydes. a|e herbyny+
eit a|orugant ˄megys pei hi vei arglỽydes arnunt. a|hitheu a|orch+
ymynnaỽd udunt vot yn ỻawen ỽrth y marchaỽc urdaỽl.
kanys ny wisgaỽd arueu eiryoet uarchaỽc urdaỽl weỻ noc ef.
Ac yna y erbynnyeit ar lewenyd a|e diarchenu a|orugant. Ac
yna galaath a|o·vynnaỽd y|r vnbennes ae yno y trigyynt
ỽy y nos honno. Nac ef heb hitheu pan darffo yni vwyta
a|chysgu ychydic ni a|aỽn ymeith odyma. Yna y vwyta yd ae ̷+
thant. ac ar ol hynny y gysgu. Ac yn|y ỻe gỽedy yr hun gyn+
taf. yr vnbennes a|erchis y galaath gyuodi. a|r gỽyreeing o|r
ty a|dugassant idaỽ torseu o gỽyr ỽrth wisgaỽ y arueu ym+
danaỽ. A gỽedy daruot idaỽ wisgaỽ ymdanaỽ ef a|esgynna+
ỽd ar y varch. a|r|unbennes a|gymerth y·gyt a|hi prenvol
eureit a mein mawrweirthyaỽc gỽedy y gyfansodi yndaỽ
ac a|e|dodes ryngthi a|r|goryf. ac a|gychwynnassant racdunt
o|r casteỻ. ac a varchockaassant yny doethant parth a glann
y mor. a phan|doethant ỽy yno. ỽynt a|welynt yr ysgraff yd
oedynt yndi peredur a|bỽrt. yn gogwydaỽ ar ymyl yr ysgraff
ac yn aros galaath. A|phan y gỽelsant ỽy ef ỽynt a|vuant
lawen pob vn o·honunt ỽrth y gilyd. a bendigaỽ duỽ a|oru+
gant am ym·gaffael y·gyt ohonunt. Ac yna y myỽn y doeth
galaath a|r vnbennes. a|dỽyn kyfrỽyeu eu meirch ganthunt
ac adaỽ eu meirch ar y tir. Ac ny bu gynt y doethant ỽy y|r ys+
graff noc y kychwynnaỽd hitheu y|r mor. Ac yn enkyt bych+
an
| « p 77r | p 78r » |