NLW MS. Peniarth 15 – page 100

y|wreic y|gwr Nẏ dolvrẏant namẏn digrif vẏd gantvnt ev gwelet val y|mae di+

grif gennẏm nẏnhev welet y|pyscot ẏn|ẏ don megys y|dywedir llawen vẏd gwi+

rẏon pan wel dial y|pechodev Discipulus A|wediant wẏ drostvnt. Magister. Yn erbyn dvw

oed vdvnt pei gweddient dros y|rei emelldigedic wrth hẏnnẏ vn vnolder

ynt a|dvw megẏs y reig|bod vdvnt y|wrodẏev ef ympob peth Ac wrth hẏnny

llawen yw gantvnt ev gwelet wẏ velle. Discipulus Ym pa vffern yd yoed* y|rei

Gwirẏon kyvn|dẏvot krist. Magister. Yn|yr vchaf yn lle kẏvagos y|r issaf mal y|ga+

llei pob rei gwelet y gilyd A|rei a|oeddynt yno hannẏ* bei boen arnvnt ef

ef* a|welit vdvnt ev bot ẏn|ẏ vffern o|achos vdvnt ev bot yn wahanne+

dic y|wrth y|deyrnnas Ac ef a|welit y|rei a|oeddẏnt ẏn ẏr issaf ev bot wynt

ym|paradwys. Ac odyna yd erchis y|kfvoethawc* y|lazar bwrw dafvyn o

dwfvẏr arnnaw Discipulus Pa rew boen a|oed arnvnt wy yno. Magister. Tywyllwch

e|hvn megẏs y|dywedir Golevni a|dyn y|rei a|oedẏnt yn kyfvanheddv teyrn+

nas kẏscawt anghev Ac ereill ẏ|mywn poennev wrth hẏnny y|doeth dv+

w pan anet y|vchaf vffernn ẏ|rẏdhav y|rei yd oed gythrevl ẏn|ẏ llethv odẏna

pann vv varw yd ysgynnawd y|vffernn issaf y|brynv y keith y|gan y|gelẏn

krevlawn megys y|dywedir arch di y|rei ẏssẏd yg|karchar vynet ẏmeith

Ac y|rei ẏssẏd ẏn|ẏ tywyllwch yn dangos y|mae ef y|vot yn galw y|rei

a|oed ẏn|ẏ poeinnyev* yn garcharorẏon Ac yn dywedvt boo* y lleill yn tẏ+

wyllwch a|brenhin y|gogonnẏant a|e gollyngawd Ac a|e dvc wynt y|lewenẏd

ef Discipulus Ae ymadnebyd yr eneidev yno. Magister. Eneidẏev y|rei gwiryon a adna+

bydant yr holl rei gwiryon o|enw a|chenedl Ac ev gobrwyon megẏs pei

bẏdẏnt eiroet ẏgẏt ac wynt a|adnabydant eneitev y|rei drwc yn gy+

meint Ac y|gwddant py achos y|mae pawb onadvnt yno a|rei drwc

a|atwaynant y|rei drwc. Ac a wdant enewev* y|rei gwynnvẏdedic val y

gwybv ẏ|kẏvoethawc enewev* evream a|lazar Discipulus A|wediant wẏ yr ene+

dev dros y karant. Magister. Y rei gwirẏon a wediant dros y|rei a|garassant ẏn|ẏr

arglwyd nev dros y|rei arnvnt o|e diffryt rac drwc. Ac o|e rydhav o|brovediga+

eth ẏ|bẏt Ac o|e hemendanw* od|ẏdẏnt yg|kyfveilorn megẏs ẏ|dẏlẏnt o|e kẏtẏ+

meithas ar hẏnt Discipulus Pa delw y|gwediant yw. Magister. Ev damvnet ẏw ẏ

gwedi kannẏs beth|bynnac a|damvnont wẏ a|e caffanf* yn diannot a|e gwe+

di wyntev yw presentẏaw y|grist poenn·ev y corff nev y|da a|wnnaeth+

hant yr·daw Ac eissoes nẏ wediant wy dim onnẏt a|gennattaho dvw vdvnt

Ac o|gwediẏnt yn amgen over vẏdei vdvnt Discipulus A|ytdynt wẏ ẏn|ẏ kyf+

lawn lewenẏd. Magister. Nac ẏdẏnt namyn megys dẏnẏon a|wahodit y|wled

a|vẏdant lawen pan delont am ev derbyn govalvs am y ketemeithon

yn trigyaw pan delont wy ygẏd y|bẏd mwy ev llewenẏd velle y|mae

eneidev y|seint yr awr·hon yn llẏwenhav ẏn|ẏ gognnyant* Ac yn hir tvnt amdanam

tvnt amdanam