NLW MS. Peniarth 15 – page 109

oll o|gampev dewissach oed no|r holl vẏt Magister Reit yw yt dewi. Etỽa a gwaran+

daw pethev a|vo gwell pe*|beth ẏgẏt a|r kampev vchot pei bydvt kẏnn

diethet a|selẏf y|gwr a|oed amlwc idaw pob peth kvdyedic Discipulus Awi dvw

a hẏnnẏ. Magister. Beth ygyt a|hynnẏ oll pei bydei pob ryw dẏn kẏnn gedẏme+

ithet ẏt. Ac y|bv davẏd a Jonathas yr hwnn a|garawd ẏn gymeint a|e eneit.

Discipulus Owi o|r gwynvydediigrwẏd*. Magister. Beth ẏgẏt a|hẏnnẏ pei bẏdei bawp mor

ẏvn a|thi ac y|bv Asivs a|sipio ẏ|gwyr ny mynei yr vn namẏn a|vynnei ẏ

llall Discipulus Owi o|r dyvndeb. Magister. Beth ẏgẏt a|hẏnnẏ pei bydvt kẏn|gẏfoethoget

Ac y|bv Alexander mawr y|gwr a|vv dev yr asia a|r affrica a|r Evroppa. Discipulus

Owi o|r gorvchelder. Magister. Beth ygyt a hynny oll pei kymeint dy annrẏded di

gann bawp Ac y|bv Joseph y|gann wẏr ẏr eifft y|gwr a|adolassant wẏ megẏs

pei dvw vei Discipulus O·wi o|r parch. Magister. Beth ẏgẏt a|hẏnnẏ oll pei bydvt mor dio+

val Ac Elẏ ac Enoc y|gwẏ* yssyd ẏn|ẏ kẏrff a|e heneit ym|paradwẏs Discipulus Owi

a dvw o|r mawredigrwyd hwnnw. Magister. Beth ẏgẏt a|hẏnnẏ oll pei caffvt kẏ+

vryw lewenẏd Ac vn dẏn a|dyckyt o|e diennẏdẏaw ac ar yr hẏnnt honno

ymavel Ac ef a|e wnnevthvr yn vrenhin Discipulus Owi o|r meddyant. Magister. Beth

ygẏt a|hynnẏ pei bydei yt getymdeith a|garvt ẏn gymeint a|thy|hvn Ac

yntev y|th garv dithev vellẏ Ac ẏn gyvoethawc o bop parth ponẏ bydei

devdyblic y karyat Discipulus Owi o|r dirvawr lewenẏd. Magister. Beth pettei ytti llawer

o|getymdeithon yn vn ffvnvt Ac a|dẏwespwẏt vchot ponẏ bydei ytti ẏ|gy+

niver llewenẏd Discipulus Owi o|r digrivwch kynn digrivet yw gynnyf dy yma+

drawd di a|phob ryw olvt Ef a|welir ymi pei eidaw dẏn vei rei o|hẏnnẏ

nẏ|dywedaf ynhev gwbyl ohonvnt. Y bydei deilyngach ef no|r holl vẏt o|bei

eidaw yntev hẏnnẏ o|gwbyl ef a welit y|vot yn dvw. Magister. Jawvn ẏ bernnẏ

hynny O degwch y|seint Mwẏ lawer yw ev ragor hwẏ no hẏnnẏ Tegwch

absalon dybrẏdwch vedei hẏnnẏ yno kannẏs ev tegwch wẏ a|vẏd megẏs

eglvrder yr hevl Megys y|dywedir y|rei gwirion a|disgleirant megys hevl a|r

hevl yna a|vyd tegach seitweith* no|r awr·honn megẏs ẏd edewir vdvnt.

Dvw med ef a|atnewyda corff yn vvvdawt ni yn gyffelẏb y eglvrder ef ac

nat amhevet neb vot yn tegach corff crist no|r hevl kannẏs tegach yw corff

y|kreawdẏr no|r kreadvr a|dynyon a|dywedir ev bot yr hevl velle wrth hyn+

ny ẏ|bẏd kyẏrff* y|seint y corff eglvrder crist yr hwn yssẏd loẏwach no|r hevl

a|dvw yn presswylaw yndvnt megẏs ymẏ|wn temloed Reit yw bot

temloed dvw yn voe ev tegwch a|e gogonnyant no|r hevl a|llẏna pa rẏw

tegwch yw vn seint. o|vvander y|seint. Buander assael llesc ehwyrdra yw

hynnẏ ẏno kannys kynn vvanet vydant wẏ yna ac y|tẏwẏnna paladẏr

yr hevl o|r dwyrein nev o|r gorllewin ẏ|r dwẏrein dracheven nev y|galo* llygat

edrych yr awyr y venyd kynn ebrwydet a|hẏnnẏ y|dichawnn y|seint menẏt*