NLW MS. Peniarth 18 – page 5v
Brut y Tywysogion
5v
leu yn|y erbyn ef. ac ar hyt y|dyd y|dadleuỽyt ac ef. Ac
yn|y diỽed y|barnỽyt yn gamgyls*. ac yn orchyfegedic.
Ac yn|y diỽed y|barnỽyt y|garchar y|brenhin. nyt herỽyd
kyfreith. namyn herỽyd medyant. Ac yna y|pallaỽd y holl obeith
a|chedernyt. a|e iechyt. a thegỽch. a|didannỽch yr holl
brytannyeit. Y|ulỽydyn racỽyneb y|bu uarỽ oỽein ap
edỽin drỽy hir gleuyt. a|hir nychtaỽt. ac yna yd ysto+
res ricart ap baldỽin castell ryt y|cors. Ac y|gyrryỽyt
hoỽel ap goronỽ ymdeith o|e gyuoeth a orchymynassei
henri urenhin keitỽadaeth ystrat tyỽi. a ryt cors. ac
ynteu a|gynnullaỽd anreitheu trỽy llosci tei. ar dynyon.
a|diffeithaỽ hayach yr holl ỽladoed. a llad llaỽer o|r freinc
a|oedynt yn ymhoelut adref. ac ef a|gylchynaỽd y ỽlat
o|bop tu. ac a|e hachubaỽd. ar kestyll a|trigyaỽd yn digyffro
a|e ỽarcheitỽeit yndaỽ. Yg|kyfrỽg hynny y|gỽrthladaỽd
henri urenhin saer uarchaỽc o|bennuro. ac y|rodes keit+
ỽadaeth y|castell a|e holl teruyneu y|herald ystiỽart yr
hỽnn a|oed dan ernỽlf ystiỽart. Y|ulỽydyn honno y|llas
hyỽel ap goronỽ drỽy dỽyll y|gann y|freinc a|oedynt yn
ryt y|cors. Gogaỽn ap meuryc y|gỽr a|oed yn meithrin
map y|hyỽel. ac yd ymdiredei hoỽel idaỽ yn uoe noc y
neb. a|ỽnaeth y urat ual hynn. galỽ a|oruc gỽgaỽn hy+
ỽel y|ty a|e ỽahaaỽd. ac anuon y|r castell a galỽ y|ffreinc
ataỽ. a|menegi vdunt teruynedic le ar aros amser yn|y
nos. Ac ỽynt a deuthant amgylch pylgeint. a|chylchy+
nu y|tref. ar ty yn|y lle yd oed hoỽel. a|dodi gaỽr. ac ar
| « p 5r | p 6r » |