NLW MS. Peniarth 32 (Y Llyfr Teg) – page 101
Llyfr Iorwerth
101
y|r brenhin. ac ueỻy am fford a gattỽo teruyn
gan enniỻ y ford. Messur gỽestua brenhin yn
amser gaeaf o vaenaỽr ryd; yỽ pỽnn march
o|r blaỽt goreu a|dyfho ar y tir. a buch gic neu
ych. a dogyn kerỽyn o ved. Naỽ dyrnued yn|y
hyt yn amroscoyỽ; a|r gymeint yn|y ỻet. a seith
dreua o geirch un·rỽym. yn ebran. a hỽch deir+
blỽyd ac enhorob haỻt. ỻet tri bys yn|y theỽ+
het. a ỻestyr emenyn. tri dyrnued yn|y hyt heb
y voel. a thri o let. ac ony eỻir kaffel hynny;
punt am·danaỽ. a honno a elwir punt tỽngk.
a phedeir ar|hugeint y wassanaethwyr y brenhin.
ac ony eỻir kaffel y med; dỽy o vragaỽt. neu
bedeir o|r kỽryf. a hynny a daỽ o bop maenaỽr
ryd y|r brenhin. Sef mal y rennir y bunt honno;
chỽeugeint y|r bara. a thrugeint y|r ỻynn. a
thrugeint y|r enỻyn. O|r maenoreu kaeth y
dylyir deu daỽn bop blỽydyn. Y gaeaf; hỽch
deir·blỽyd. a ỻestyr emenyn tri|drynued o hyt
a|thri o let. a|dogyn kerỽyn o vrac y bo naỽ
dyrnued yndi yn amroscoyỽ. a|dreua o geirch
un·rỽym yn ebran. a chỽe thorth ar|hugeint
o|r bara goreu a|dyfho ar y tir. O|r byd gỽenith
ar y|tir; chwech o·nadunt yn beiỻeit. Ony byd
gỽenith chỽech o·nadunt yn rynnyon. pedeir
o·nadunt y|r neuad. a|dỽy parth a|r ystaueỻ. ac
| « p 100 | p 102 » |