NLW MS. Peniarth 32 (Y Llyfr Teg) – page 42
Llyfr Iorwerth
42
1
ar tri eidyon kyhyt eu kyrn ac eu hysgyuarn.
2
a chan coỻes e|hun y breint; bit hitheu ar y bre+
3
int hỽnnỽ hyt ympenn y seith mlyned. ac o|r
4
byd argyfreu idi; bit hỽnnỽ yn didreul hyt
5
ympenn y seith mlyned. os hitheu a ganhatta
6
y dreulaỽ ef; ny diỽygyr dim idi o dreul deint
7
ac ystlys. O penn y seith mlyned o cheiff hi deir
8
nos ranher deu hanher a hi megys a gỽreic
9
a rodyeit arnei. kanny phara gỽreic nac o lath+
10
lut nac o rod ar vreint y hagwedi namyn
11
hyt ympenn y seith mlyned. ac nat agwediaỽl
12
hi o benn y seith mlyned aỻan. ỽrth hynny ran+
13
nent yn deu hanher. Pỽy bynnac a gysco teir
14
nos gan wreic o|r pan anhuder y tan yny
15
dat·anhuder drannoeth. a mynnu o·honaỽ
16
y gadu; talet idi eidyon a|dalho ugeint. ac
17
araỻ a|dalho dec ar|hugeint. ac araỻ a|dalho
18
trugeint. ac os dỽc ar ty ac anỻoeth a|e bot
19
ygyt ac ef hyt ympenn y seith mlyned. rannet
20
a hi megys a|gwreic a|rodyeit arnei.
21
T Ri agwedi kyfreithaỽl. yssyd. agwedi merch
22
brenhin pedeir punt ar|hugeint. a|e choỽ+
23
yỻ wyth punt. agwedi merch gỽrda; teir punt.
24
a|e chowyỻ punt. agwedi merch mab eiỻt; punt.
25
a|e chowyỻ pedwar ugeint. O deruyd y wr beicho ̷ ̷+
26
gi gỽreic o lỽyn a pherth; ef a|dyly hoỻ ossymdei ̷ ̷+
| « p 41 | p 43 » |