NLW MS. Peniarth 33 – page 66
Llyfr Blegywryd
66
uẏnu haỽl ẏnn|ẏ trẏdẏd guedẏ|lla ̷+
ther ẏ|gelein. Ac onnẏ daỽ atteb er+
bẏn pen ẏ|naỽuettẏd. kẏfureith a
rẏdha dial; Trẏdẏd ẏỽ; Os ẏn vn
gẏmhỽt ẏ|bẏdant; enuẏnu haỽl
ẏnn|ẏ trẏdẏd dẏd gỽedẏ llather y ̷
gelein; Ac onnẏ daỽ atteb erbẏn ẏ
whechet dẏd; kẏfreith a|rẏdha dial
Tri thaỽedaỽc gorssed; arglỽẏd
gỽir ẏn gỽarandaỽ ar|ẏ|wẏrda ẏn.
barnu eu kẏfreitheu. Ac ẏgnat ẏn
ẏ* |gwarandaỽ haỽlỽr ac amdiffẏn+
nỽr ẏn ẏmatteb; A mach ẏn gỽaran+
daỽ ẏ kẏnnogẏn a|r|talaỽdỽr ẏn ẏ+
matteb. Tri gỽanas gỽaẏỽ kẏfre+
ith ẏn dadleu ẏssẏd. gỽan arllost
ẏ|gỽaẏỽ ẏnn|ẏ daẏar a|e vn llaỽ. hẏ+
nnẏ vo a·breid ẏ|tynu a|e dỽẏ laỽ. A
gỽan ẏ|ben ẏ|mẏỽn tỽẏn hẏnnẏ
gudẏo ẏ|mẏn*. A|e dodi ar|lỽẏn. a|fo
kẏfuch a|gỽr. Ac onnẏ bẏd ar vn
o|r teir gỽanas hẏnnẏ; o·d|a dẏn ar ̷+
naỽ mal ẏ bo marỽ; traẏan ẏr ala+
nnas a a|berchennaỽc ẏ gỽaẏỽ Tri
| « p 65 | p 67 » |