NLW MS. Peniarth 35 – page 65r
Llyfr Cynghawsedd
65r
agheuarch. ac o bit a amheỽ henne bot
ydau digaun a gatwo y perchenogyaeth
ar y da hỽnnỽ a bot ydau enteỽ digaun a
ỽypo y dỽyn enteu en agheuarch y ganthaỽ
ef a dody ar e kyfreith dyleu o|r da hỽnnỽ dyỽot
ataỽ ef traygeuyn en| e breynt edoet gynt
ỽrth y ỽot enteỽ en hebrug ỽot en wyr a
dewaỽt. O ssef a deweit er amdifenur. Dy+
oer ep ef. Ny deleaf| y de atep dy am er haul
honno canys deỽ ardelỽ yssit genyt. keyt+
weit. a gỽbidyeit. ac na delyaf ỽyneỽ atep
namyn er neyll onadunt hỽy. Jaun eỽ er
haulur ena dewedut. Dyoer ep ef. deu peth
gỽyr a| dewedeys y ỽot en ỽeỽ y da a|y dỽyn
en aghyuarch y genyf| y. ac ar deu peth hen+
ne. myneỽ a| dodeys deu kedernyt keyt+
weit a gubydyeit en| e lle em amheỽer am+
danadunt. Os ty dy a adef bot en wyr
a| dewedeys y nyt reyt y myneỽ ỽrth er ỽn
onadunt hỽy. Os tytheỽ a guata er hyn
a| dewedeys y myneỽ a dodaf ar e kyfreith deleỽ
ohonafyneỽ dỽyn ỽe kedernyt ar e hyn
a wetych dy o|r deu henne. e kyfreith a| deweit pa
le bynac y bo reit e den dewedut achỽys+
son yn| y kyfreith ygyt a defnyt y kyfreith bot en reit
idau enteu proui er achỽysson mal y
| « p 64v | p 65v » |