NLW MS. Peniarth 36A – page 56v
Llyfr Blegywryd
56v
ymỽystlaỽ yn erbyn braỽt trỽy gyfreith.
vn yỽ brenhin. lle ny allo herwyd kyfreith
seuyll y myỽn dadyl ger bron braỽdỽr
y holi neu y atteb trỽy vreint anyanaỽl.
neu trỽy vreint y tir mal breyr neu a ̷+
rall. Eil yỽ dyn eglỽyssic rỽymedic yn
vrdeu kyssegredic. Trydyd yỽ dyn eglỽys+
sic rỽymedic yg|creuyd. kany dichaỽn
neb herwyd kyfreith rodi gỽystyl yn er ̷+
byn braỽt onyt dan perigyl gỽerth y
tauaỽt. Ac nyt oes werth gossodedic yg
kyfreith hywel. ar aelaỽt a gỽaet dyn
eglỽyssic. ae sarhaet. ac ỽrth hynny ny
eill neb o·honunt ỽy rodi gỽystyl yn er+
byn braỽt. na chyt a braỽt. Holl argywed
segyrllyt a wnelher yr eglỽyswyr a dy+
lyir y iaỽnhau vdunt yn e| ssened her+
wyd kyfreith eglỽyssic. Tri pheth a dyly
pob braỽdỽr y warandaỽ y gan
kynhenwyr kyn barnu neb o·hon+
unt yn ennill. nac yg collet. nyt amgen;
cỽyn. a deissyf. ac atteb. Pỽy bynhac a gollo
| « p 56r | p 57r » |