NLW MS. Peniarth 45 – page 152
Brut y Brenhinoedd
152
y distryỽ. Gwedy bo ornest y·rydunt. y gorch+
yuygir y dreic. Ac o enwired y budugaỽl
y kywersengir. y dreic a|e dỽc ynteu ar oruch+
elder. yny bo dyrchauedic y losgỽrn a|e maed
yn noeth. Eilweith yny bo atgymeredic y
grym y bỽrỽ y kaỽr a chledyf y orchyrua+
neu. yn|y diwed ef a ulyngir y sarff y
dan y losgỽrn. Ar gwenỽynic a abballa.
yn ol hỽnnỽ y daỽ baed totneis; Ac o creula+
ỽn lỽybyr y kywarssangha y pobyl. Caer lo+
eỽ a|dyrcheif lleỽ. yr hỽnn a aulonydha o am+
ryualyon ymladeu. Hỽnnỽ a sathyr y dan y
traet. Ac o agoredigyon orchyruaneu y har+
uthra. O|r diwed ar teyrnas y kywaethla y
lleỽ. A chefneu y bonedigyon a esgyn. Ody+
na y|daỽ tarỽ yr amrysson. Ar lleỽ a|tereu a|e
troet deheu. Hỽnnỽ a ỽrthlad y lleỽ dielỽ y te+
yrnas. y kyrnn hagen a tyrr muroed kaer
exon. llỽynaỽc kaer dubal a dial y lleỽ. Ac a|e
treula oll a|e danhed. Neidyr kaer lincol a
damgylchyna y llỽynaỽc. A|e chydrycholder o
laweryon nadred a distryỽ aruthur chwiba+
nat. Odyna yd|ymladant y dreigeu. Ar ne+
ill a uriỽ y llall. yr edeinaỽc a|gywarssangha
yr honn heb adaned. A|e hewined gwenỽyn+
nic a ossot yn|y geneod*. Ereill a|deuant yr
| « p 151 | p 153 » |