NLW MS. Peniarth 45 – page 88
Brut y Brenhinoedd
88
Sef oed y rei hynny. llundein. A chaer efra+
ỽc. A chaer llion ar wysc. Ac gỽedy rannu
ynys prydein. yn teir rann. y dygỽydỽys y arch+
esgob caer efraỽc. Deiuyr. a brynnych ar al+
ban ual y dỽc humyr. Ac y archesgob llundein
y doeth lloygyr a chernyỽ. A chymry oll ual
y keidỽ afren y archesgobaỽt caer llion. ~ ~
AC gỽedy daruot yr deu ỽrda hynny llune+
ithu yn dyledus y teyrnas herwyd y glan
fyd. ymchoelut a|wnaethant parth a ruuein
a datcanu yr pap pob peth ual y gỽnathoedynt
a chadarnhau a oruc y pap pob peth o hynny;
Ac odyna ymchoelut a wnaethant y gỽyrda
hynny drcheuyn* ynys prydein. a llawer o gedym+
deithon y gyt ac wynt. Ac o dysc y rei hynny
ar enhyt uechan y bu cadarn fyd y bryttanneit
a phỽy|bynhac a uynho gỽybot enweu y g
hynny. keisset yn|y llyuyr a ysgriuenỽys
Gildas o uolyant emreis wledic. Canys peth
a ysgriuenei gỽr kymeint a|hỽnnỽ nyt reit
y minheu y traethu dracheuyn. ~ ~ ~ ~ ~ ~
AC gỽedy gwelet o les cristonogaeth yn
kynydu yn|y teyrnas. Diruaỽr lewenyd
a gymyrth yndaỽ ar tired. Ar temleu a oed
yr dỽyeu er gynt. A rodes ef y duỽ ar seint
| « p 87 | p 89 » |