Bodorgan MS. – page 52
Llyfr Cyfnerth
52
1
Os keirch uydant; bit rynnyon y naỽ torth
2
kyn teỽhet a vydant. trỽy na phlygant
3
pan dalher herwyd eu hemyl. A lloneit
4
mid o gỽrỽf. A cheinhaỽc o pop rantir yr
5
gỽassanaethwyr. Daỽn·bỽyt haf yỽ eme ̷+
6
nyn a chaỽs. Sef yỽ y manat emenyn. naỽ
7
dyrnued llet a dyrnued teỽhet ae vaỽt yn
8
y seuyll. A phrytllaetheu y tayogeu oll a
9
gynnullir yn vn dyd y wneuthur kaỽs. A
10
hynny a telir ygyt ar bara. Ny daỽ na
11
maer na chyghellaỽr na ran dofreth ar
12
ỽr ryd. Unweith pop blỽydyn y gỽeda y
13
paỽb mynet yn lluyd ygyt ar brenhin y
14
orwlat os myn. Ac yna y dyly y vrenhin+
15
es rieingylch. byth hagen pan y mynho
16
y brenhin y lluydir gyt ac ef yn| y wlat e| hun+
17
an. Y kynydyon ar hebogydyon ar gỽast+
18
rodyon. A gaffant gylch ar tayogeu y bren+
19
hin. pop rei hagen ar wahan.
20
NAỽ tei a dyly y tayogeu eu gỽneuthur
21
yr brenhin. Neuad. ystauell. kegin. ka+
22
pel. yscubaỽr. odynty. peirant. ystabyl. kyn+
23
orty. y| gan y| tayogeu y keiff y brenhin pyn+
24
veirch yn| y luyd. Ac o pop tayaỽctref y keiff
« p 51 | p 53 » |