NLW MS. 24029 (Boston 5) – page 102
Llyfr Blegywryd
102
Ebediw bilaein brenhin; dec a|phetwar|ugeint.
Ebediw breilaein breẏr; trugeint ẏỽ;
kanny bẏd na maer na|chẏgkellawr a
dẏlẏhwẏnt traẏan ar vilaeint* brenhin
breẏr. O|R bẏd eglỽẏs ar|tir bilaein bre+
nhin; wheugeint vẏd ẏ ebediỽ. Ebed+
iw abbat; dec punt. Pedeir ar|hugeint
ẏỽ; ebediỽ gỽr ẏstauellaỽc. Deudec
keinnaỽc ẏỽ; ebebdiỽ gwreic ẏstaue+
llaỽc. Ac ẏ arglỽẏd ẏ|tir ẏ|bo ẏr ẏstau+
ell ẏndaỽ ẏ|telir. Ebediỽ bonhedic can+
hỽẏnnaỽl ẏỽ; dec a|phetwar|ugeint.
Ebediỽ alltut ẏ|rotho ẏ brenhin tir idaỽ;
ẏỽ; trugeint. A|hanner hẏnnẏ a|dric
ẏ|r brenhin. kannẏs megys tat idaỽ ẏỽ.
A|r|hanner arall a geiff ẏ|maer. a|r kẏg+
kellaỽr ẏn|deu hanner ẏrẏdunt. Onnẏ
bẏd plant ẏ|r alltut; ẏ holl da a|geiff ẏ
brenhin. eithẏr kẏmeint a|e dẏlẏet
pan vo marỽ. Naỽdỽr brenhin; wheu+
geint vẏd ẏ ebediỽ. A|hỽnnỽ a|elwir g+
waessafỽr. Y neb a|uo marỽ ar|tir dẏn
arall; vn ar|bẏmthec a|dẏlẏir ẏ|talỽ dr+
os ẏ varwtẏwarchen. Y tẏ kẏntaf a
loscer ẏnn|ẏ tref o walltan; talet ẏ|deu
| « p 101 | p 103 » |