Breudwd Welsh Prose 1300-1425
Cymraeg

BL Cotton Titus MS. D IX – page 20v

Llyfr Blegywryd

20v

ffelyp y hynny ot ymỽystla ef yn amsseraỽl.
ac nat ymỽystlo y braỽdỽr ac ef. y|varnn
a|dygwyd. Hyt yma gann borth duw
y|dywetpỽyt o sỽydogyonn y|brenhin. ac
eu kyureitheu. Rac llaỽ trỽy nerth duw
y|dywedir o sỽydogyonn kyffredin yssyd
rỽg yr arglỽyd a gỽyr y|wlat. nyt amg+
 en no|r rei hynn. 
K Ynntaf y gossodes y|brenhin pumb
sỽydauc ym|pob llys o|r wlat yg|gỽ+
ynned. a|phỽys. nyt amgen. Ma+
er. Kyghellaur. Righill. Offeirat y|yscri  ̷+
venu dadleueu. ac vn braỽdỽr trỽy sỽyd.
a|phetỽar megys y|rei kynntaf ym|pob
llys yn deheubarth. a|lliaỽs o vraỽdỽyr.
nyt amgen. pob perchenn tir megys yd
d |oedynt kynn hyỽel da. o vreint tir heb
sỽyd. O Hynn allann y|treithir o gyure+
ith y wlat. a|r sỽydogyon dyỽededic. ac
yn gynntaf o|teir colofyn kyureith y|dy+
ỽedir. Galanas a|e naỽ haffeith. Tan a|e
naỽ affeith. LLetrat a|e naỽ affeith. Gala+
nas yỽ llad dyn. Llosc yỽ; gỽan tan y|m+
yỽn y|peth a|lloscer. Lletrat yỽ; symut
o|e le yr hynn a|dyccer yn lletrat. Beth
bynnac a|ỽnelher yg|kylch y|tri gỽeith+