BL Cotton Titus MS. D IX – page 59v
Llyfr Blegywryd
59v
adaỽ y|gỽr. vn yỽ o|glauri. ac o|eisseu kyt.
a|dryc·annadyl. Teir gỽeith y|keiff gỽreic
y|hỽynnebỽerth; kynnataf y keiff wheug+
eint. Yr eil weith punt. Y|tryded weith y di+
chaun adaỽ y|gỽr. a mynet a|e holl dylyet
genti. ac o|diodef hi dros y|tryded weith.
ny cheiff wynnebỽerth. Ony wna morỽyn
a|vynnho o|e choỽyll kynny y|chyuot y|bo+
re o|e|gỽely y|ỽrth y|gỽr; ygkyt y|byd yryd+
unt o|hynny allann. OR rodir morỽynn
aeduet y|ỽr. ac o|r dyỽet ynteu nat oed vor+
ỽyn hi; tyget y|vorỽyn ar|y|phymet o|r dy+
nyon nessaf idi. nyt amgen. Hi. a|e|that.
a|e mam. a|e braỽt. a|e chỽaer. vot yn gel+
ỽyd hynny. a|e|dyuot hi attaỽ ef yn|vorỽyn
o|r|oet aeduet hi o vronneu. a chedor. a|dyuot
teithi gỽreic oetranus idi. Os teỽi a wnna
ef yn gynntaf. a|bot genthi yr eil weil*. a|ch+
yscu ygyt a|hi hyt y|bore. kyt as|caffei ef
hi yn wreic y|weith gynntaf. ny dichaun
ef dỽyn dim o|e hiaun morỽyn racdi. Os yn|y
lle mal y|gwyppo ef hynny y kychỽynn y|vy+
nyd. at y|neithorwyr y|dyỽedut hynny.
Onny watta hi hynny yn|y erbyn ef. a|thy+
stu ohonaỽ ynteu hynny y|r gỽr; ny cheiff
dim o|iaun. TRi llỽ a|dyry gỽreic y|ỽr; pan en ̷+
| « p 59r | p 60r » |