Cardiff MS. 1.362 (Hafod 1) – page 12r
Brut y Brenhinoedd
12r
a Nathan ac assaf y profỽydi yn yr israel.
Ac odyna yd adeilyaỽd effaỽ. kaer al clut
gyuerbyn ar alban. A chastell mynyd agnet
yr hỽn a elwir yr aỽr hon. kastell y moryny+
on ar vynyd dolurus. A gỽedy hynny y ganet
idaỽ vgein meib o ugein wraged a oed idaỽ. a
dec merchet ar ugein. a deg mlyned a deugein
y bu y gỽledychu. Sef oed y henweu y myiby+
on. brutus taryanlas. oed hena. Maredud. se+
isyll. Rys. Morud. bleidut. iago. botlan. kyn+
ger. yspadaden. gwaỽl. dardan. eidal. iuor.
ector. kyngu. gereint. run. asser. enweu y
merchet oed. gloyỽgein. Jnogen. eudaỽs. gỽ+
enllian. gỽaỽrdyd. agharat. gỽendoleu. tag+
hỽystyl. gorgon. Medlan. Mithael. Offrar.
Maelure. kamreda. rageu. guael. egub.
nest. kein. statut. ebren. blangan. auallach.
angaes. galaes. teccaf morỽyn oed honno.
yn|yr ynys. gỽeiruyl. perweur. eurdrech.
edra. anor. allt. egron. A rei hynny a
anuones efraỽc ar syluius y gar brenhin
yr eidal. Ac a rodet yno y wyr bonedic dy+
lyedaỽc. Ar meibyon a aethant. llyges
gantunt hyt yn germania ac asser eu
braỽt y tewyssaỽc arnadunt. Ac o gahor*+
thỽy syluius y gỽryscynassant y wlat hon+
no a|e phobyl. A brutus taryan las a trig+
ỽd yn yr ynys ỽrth y llywyaỽ gỽedy y tat. A
deudec mlyned y gỽledychaỽd ynteu. Ac yn
| « p 11v | p 12v » |