Cardiff MS. 1.363 (Hafod 2) – page 162v
Brut y Brenhinoedd
162v
kaer alclỽt. sef yw honno lyncoll yaldemy. Ac ỽal
ed oedynt eỽelly en llwnyethv ansaỽd e teyrnas. en+
achaf devdengwyr advet ev hoet ac|anrydedvs eỽ
drech. a cheync olywyd en llaw pob ỽn onadvnt.
en arwyd kennadeỽ ac en kerdet en araf ac en kyỽarch
gwell er brenyn ac en|y annerch o pleyt lles am·herav+
der rỽueyn. ac en rody llythyr en|y law. ar am+
adrodyon hynn endỽnt
Lles amheraỽder rỽueyn en anỽon y arthvr er
hy·nn a haydỽs. kan anryỽedỽ en ỽaỽr. an+
ryỽed yw kennyf de creỽlonder ty a|th drỽdana+
eth. Anryỽedỽ ed wyf kan koffav e sarahedeỽ
a gwnaethost ty yr rỽueyn. ac antheylwng yw k+
enhyf nat atwaynost ty dy vynet o|th dyethyr dy
hỽn. ac nat edwyt en medylyaỽ pa peth yw try+
mhet kody sened rvueyn. yr honn e gỽdost ty bot
er holl ỽyt en talỽ gwassanaeth ydy. kanys e teyrnget
a gorchymynnwyt y talw er hwnn a kaỽas Wlkess+
ar a llawer o amherodron ereyll gwedy ef trwy la+
wer o amseroed. a hỽnnỽ kan tremygỽ gorchymyn
kymeynt ac ỽn sened rỽueyn a kamryvygeyst ty y
attal. Ac y gyt a henny ty a dvgost bwrgwyn. ac
a dvgost enyssed er eygyaỽn en hollaỽl. brenhyned
| « p 162r | p 163r » |