Cardiff MS. 1.363 (Hafod 2) – page 60v
Brut y Brenhinoedd
60v
rey dwyweyth a kymhellassant Wlkessar amher+
aỽ·dyr rỽueyn ar ffo y gwr a daroed ydaw dar+
estwng a gorescyn yr holl ỽyt ỽrth y kyghor. ac
yr gwr ny allỽs yr holl|ỽyt Gwrthwynebỽ ydaỽ.
ar brytanyeyt eyssyoes ar ffo oedynt yn gwrthw+
ynebỽ ydaỽ ef. ac yn paraỽt y dyodef agheỽ tros
eỽ gwlat ac eỽ ry·dyt. Ac ỽrth hynny y kant
lỽcan ym molyant y brytanyeyt o|r kessar. Ef
a dangosses y ergrynedyc keỽynoed yr brytan+
yeyt. Ac yna gwedy llythraw yspeyt deỽ dyd g+
wedy nat oed y kasswallaỽn na bwyt na dyaỽt
ofynhaỽ a wnaeth gorỽot arnaỽ ymrody ygkar+
char Wlkessar. Ac ỽrth hynny anỽ·on a orỽc k+
asswallaỽn kennadeỽ hyt at aỽarwy ỽap ll+
wd y erchi. ydaỽ ef y taghneỽedỽ ef ac Wlkessar
rac oỽyn kolli. breynt y kenedyl ed hanoed o+
honei. Ac ygyt a|hynny heỽyt mynegi. a wna+
eth ydaỽ kyt ryỽelei. ef ar y kyỽoeth ef hyt na
mynney ef eyssyoes y agheỽ ef er hynny. Ac gwe+
dy datkanỽ o|r kennadeỽ hynny y aỽarwy. yn+
teỽ a dywaỽt ỽal hynn. Ry* deleyr karỽ. y ty+
wssaỽc a ỽyd araf a gwar en ryỽel megys oen
ac ar er hedỽch a ỽyd dywal megys llew. Oy
a dwyweỽ nef a dayar ỽy arglwyd y e gwr
| « p 60r | p 61r » |