BL Harley MS. 4353 – page 22r
Llyfr Cyfnerth
22r
yỽ kyn·warchadỽ. O|r tyf kynhen rỽg dỽy tref
vn vreint am teruyn; gỽyrda y brenhin bi ̷+
eu teruynu hỽnnỽ os gỽybydant. Ac o|r byd
petrus gantunt ỽy; dylyedogyon y tir bieu
tygu o paỽb y teruyn. Ac odyna rannent
eu| hamrysson yn deu hanher y·rydunt. Kyt
teruynho tref ar y llall; ny dyly dỽyn rantir
y| ỽrthi. Hanher punt a| daỽ y|r brenhin pan
teruynher tir rỽg dỽy tref. Pedeir ar hugeint
a| daỽ y|r braỽtwyr pan dycco kyfreith tir y| dyn.
Hanher punt a| daỽ y|r brenhin o pop rantir
pan y hestynho.
Ual hyn yd ymlycceir dadleu tir a dayar.
Yr haỽlỽr bieu dangos y haỽl. Ac odyna yr
amdiffynnỽr y amdiffyn. A gỽedy hynny hen ̷+
aduryeit gỽlat bieu kytystyryaỽ yn garedic
pỽy o·honunt yssyd ar y iaỽn. pỽy nyt yttiỽ.
A gỽedy darffo y|r henaduryeit racreith ̷+
aỽ eu synhỽyr. A chadarnhau eu dull trỽy tỽg.
yna y dyly y braỽtwyr mynet ar lleilltu. A bar ̷+
nu herwyd dull yr henaduryeit. a dangos y|r
brenhin yr hyn a varnont. A hỽnnỽ yỽ deturyt
gỽlat gỽedy amdiffyn. Pan dechreuher kyn ̷+
hen am teruynu tired neu trefyd. os y·rỽg tir
y llys a| thir y wlat y dechreuir; llys a|ter*
| « p 21v | p 22v » |